குழந்தை கடத்தல் நடவடிக்கைகளில் இலங்கையின் துணை இராணுவக் குழுக்கள்!

2010 ஆம் ஆண்டு வெளியான அமெரிக்க இராஜதந்திர தகவல் பரிமாற்று ஆவணங்களின் படி, குழந்தை கடத்தல் நடவடிக்கைகளில் ஈழ மக்கள் ஜனநாயகக் கட்சி (ஈபிடிபி) போன்ற துணை இராணுவக் குழுக்கள் ஈடுபடுவதாக  தமிழர் தாயக காணாமல் ஆக்கப்பட்டோர் சங்கத்தின் செயலாளர் கோ.ராஜ்குமார் தெரிவித்துள்ளார்.

காணாமல் ஆக்கப்பட்ட பல குழந்தைகளின் தலைவிதியை நாம் ஆழ்ந்த கவலையுடனும்
வருத்தத்துடனும் சிந்திக்கிறோம் என்றும் கூறியுள்ளார்.

தொடர்ந்தும் கருத்து தெரிவித்த அவர், 

அமெரிக்கா மற்றும் ஐரோப்பா 

“வலுக்கட்டாயமாக காணாமல் ஆக்கப்பட்டவர்களின் சர்வதேச தினத்தில், வன்னியில்
இருந்து காணாமல் ஆக்கப்பட்ட தமிழ் குழந்தைகளின் உறவுகளாகிய நாங்கள், உண்மை
மற்றும் நீதிக்கான 2,750ஆவது நாளாக இடைவிடாத முயற்சியில் ஒன்றுபட்டு
நிற்கிறோம்.

எமது பயணம் காணாமல் ஆக்கப்பட்ட எமது பிள்ளைகளை கண்டறிவது மட்டுமல்லாது
தமிழினத்தை எதிர்கால இனப்படுகொலைச் செயல்களில் இருந்து பாதுகாப்பதும், தமிழர்
இறையாண்மைக்காக அமெரிக்கா மற்றும் ஐரோப்பிய ஒன்றியத்தின் சர்வதேச ஆதரவைப்
பெறுவதும் ஆகும்.

30,000 க்கும் மேற்பட்ட தமிழர்கள் பலவந்தமாக காணாமல் ஆக்கப்பட்டுள்ளனர். இது
இனப் போருக்கு முன்னும், பின்னும், பின்னரும் நமது இனத்தை பாதித்த வேதனையான
உண்மையாகும்.

நான்கு தசாப்தங்களுக்கும் மேலாக, இலங்கை அரசாங்கம் பயங்கரவாதத் தடைச் சட்டத்தை
தமிழ் இளைஞர்களுக்கு எதிரான ஆயுதமாகப் பிரயோகித்து, எமது இனத்திற்கு
அச்சத்தையும் துயரத்தையும் ஏற்படுத்துகிறது.

பயங்கரவாதத் தடைச் சட்டம்

பயங்கரவாதத் தடைச் சட்டத்தின்
நீண்டகால இருப்பு அச்சத்தின் சூழலை நிலைநிறுத்தியுள்ளது. இது தமிழ் மக்களை
திட்டமிட்ட இலக்கு வைக்கும் ஒடுக்குமுறைக் கருவியாகும்.

காணாமல் ஆக்கப்பட்ட பல குழந்தைகளின் தலைவிதியை நாம் ஆழ்ந்த கவலையுடனும்
வருத்தத்துடனும் ஒப்புக்கொள்கிறோம். போரில் பலியானவர்கள் என்பதற்குப் பதிலாக,
அவர்கள் மனித கடத்தலுக்கு பலியாகியிருக்கிறார்கள் என்று சான்றுகள்
தெரிவிக்கின்றன.

இந்த குழந்தைகள் இலங்கை இராணுவப்
படைகள் மற்றும் ஊழல் அதிகாரிகளின் உடந்தையுடன் அடிமைத்தனம், கட்டாய உழைப்பு
மற்றும் விற்கப்பட்டதாகக் கூறப்படுகிறது” என்றார்.