எதிர்வரும் உள்ளூராட்சி சபைத் தேர்தல் தொடர்பில் கலந்துரையாடுவதற்காக சிறிலங்கா பொதுஜன பெரமுனவின் உள்ளூராட்சி மன்ற பிரதிநிதிகள் குழு ஒன்று கூடியதாக தெரிவிக்கப்படுகிறது.
குறித்த விடயத்தை சிறிலங்கா பொதுஜன பெரமுனவின் பொதுச் செயலாளர் சாகர காரியவசம் (Sagara Kariyawasam) தெரிவித்துள்ளார்.
அதன்போது, உள்ளூராட்சி சபைத் தேர்தலில் வேட்புமனு தாக்கல் செய்வது தொடர்பில் கலந்துரையாடல் இடம்பெற்றதாக அவர் குறிப்பிட்டுள்ளார்.
தீர்வுகள்
சில வேட்பாளர்கள் உயிரிழந்தும் வெளிநாடு சென்றும் கட்சியை விட்டு வெளியேறியும் உள்ளதால் சாத்தியமான தீர்வுகள் குறித்து அங்கு ஆலோசித்ததாக அவர் கூறியுள்ளார்.
இந்த நிலையில், அடுத்த மாதம் உள்ளூராட்சி சபைத் தேர்தல் நடத்தப்படும் என ஜனாதிபதி அறிவித்துள்ளதால், தேர்தலை வெற்றியுடன் எதிர்கொள்வதற்கு தேவையான நடவடிக்கைகளை மேற்கொள்வதாகவும் சாகர காரியவசம் தெரிவித்துள்ளார்.
