அசோக ரன்வல (Asoka Ranwala) சபாநாயகர் பதவியில் இருந்து விலகியமை வரலாற்றில் மிகப்பெரிய முன்னுதாரணம் என யாழ்.மாவட்ட நாடாளுமன்ற உறுப்பினர் சி.சிறீதரன் தெரிவித்துள்ளார்.
வவுனியாவில் நேற்று(14.12.2024) இடம்பெற்ற தமிழர் கட்சியின் மத்திய குழு கூட்டத்தின் பின்னர் ஊடகங்களுக்கு கருத்து தெரிவிக்கும் போதே அவர் இதனை கூறியுள்ளார்.
இது தொடர்பில் அவர் மேலும் தெரிவித்ததாவது,“ சபாநாயகராக இருப்பதற்கு கலாநிதி பட்டமோ எந்தவிதமான பதவி நிலைமைகள் இருக்க வேண்டும் என்ற சட்டம் இல்லை.
பதவி விலகிய சபாநாயகர்
எனினும், அவர் தனது பெயருக்கு முன்பாக கலாநிதி
என்ற பட்டத்தை பயன்படுத்தி இருக்கிறார்.
அவ்வாறு அவர் அந்த பதவிக்கு உரியவர்
அல்ல என்று சிலர் அடையாளப்படுத்துவதன் காரணமாக பெருந்தன்மையோடு ஜனநாயக
முறைப்படி தனது கட்சியையும் மக்களையும் கருத்தில் கொண்டு தனது நல்ல மனநிலையை
வெளிப்படுத்தும் நோக்கோடு ராஜினாமா செய்திருக்கின்றார். இது வரலாற்றில் மிகப்பெரிய முன்னுதாரணமாகும்.
இது தொடர்பில் ஆராய்ந்து ஒரு முடிவுக்கு வருவதற்கு இடையில் அவர் பெற்ற பட்டம்
உண்மையாக இருந்தாலும் கூட அந்தப் பட்டம் உறுதிப்படுத்தப்படும் வரைக்கும் தான்
விலகி இருப்பேன் என்று கூறுவது மிகப்பெரும் ஜனநாயகமாகும்.
அந்த வகையில் சபாநாயகர் மேற்கொண்ட விடயத்தை நாங்கள் வரவேற்கிறோம்.” என அவர் கூறியுள்ளார்.
https://www.youtube.com/embed/UWqSY1OZlUg
