சுற்றுலா நாடான இலங்கை! 50 நாட்டவர்களுக்கு இலவச விசா

50க்கும் மேற்பட்ட வெளிநாடுகளில் இருந்து வரும் சுற்றுலாப் பயணிகளுக்கு இலவச விசா வழங்க இலங்கை சுற்றுலாத்துறை தீர்மானிக்கப்பட்டுள்ளது.

இலங்கையின் சுற்றுலாத்துறையை மேலும் வலுப்படுத்தவே அரசாங்கம் இந்த நடவடிக்கை எடுத்துள்ளதாக தெரிவிக்கப்பட்டுள்ளது.

மேலும், இது தொடர்பான யோசனை அமைச்சரவையில் சமர்ப்பிக்கப்பட உள்ளதாகவும் சுற்றுலாத்துறை அமைச்சு அதிகாரிகள் தெரிவித்துள்ளனர்.

அதிகளவான சுற்றுலா பயணிகள்

அண்மைக்காலமாக இலங்கை வரும் சுற்றுலா பயணிகளின் எண்ணிக்கையில் பாரிய அதிகரிப்பு ஏற்பட்டுள்ளது.

இந்தியா உட்பட பல ஐரோப்பிய நாடுகளில் இருந்து அதிகளவான சுற்றுலா பயணிகள் நாட்டுக்கு வருகின்றனர்.

குறிப்பாக ரஷ்யா, ஜேர்மன், பிரித்தானியா ஆகிய நாடுகளில் இருந்து அதிகளவான சுற்றுலா பயணிகள் வருகை தருவதாக சுற்றுலாத்துறை அமைச்சு தெரிவித்துள்ளது.