இலங்கையின் வெளிநாட்டு கடன்கள்: வெளியானது உண்மை நிலவரம்

2024 ஆம் ஆண்டு ஜனவரி 1 ஆம் திகதி முதல் ஜூன் 30 ஆம் திகதி வரையான காலப்பகுதியில் இலங்கை 503 மில்லியன் டொலர் வெளிநாட்டுக் கடனை செலுத்தியுள்ளது.

நிதியமைச்சினால் வெளியிடப்பட்ட 2024 ஆம் ஆண்டின் மத்திய ஆண்டு நிதி நிலை அறிக்கையில் இது தெரிவிக்கப்பட்டுள்ளது.

அதன்போது, 275.1 மில்லியன் டொலர்கள் முதன்மை கடன் திருப்பிச் செலுத்துதலாகவும், 227.9 மில்லியன் டொலர்கள் வட்டி செலுத்துதலாகவும் பதிவாகியுள்ளது.

செலுத்தப்படாத கடன்

இதேவேளை, ஜூன் 2024 இறுதிக்குள், அரசாங்கத்தின் வெளிநாட்டுக் கடன் அளவு 37.5 பில்லியன் டொலர்கள் என்றும் தெரிவிக்கப்படுகிறது.

அரசாங்கத்தால் ஏற்றுக்கொள்ளப்பட்ட இடைக்காலக் கொள்கையின்படி, பாதிக்கப்பட்ட இருதரப்பு மற்றும் வணிகக் கடனாளிகளின் வெளிநாட்டுக் கடன் சேவை 12 ஏப்ரல் 2022 முதல் தற்காலிகமாக நிறுத்தப்பட்டுள்ளது.

அதன்படி, ஜூன் 30, 2022 வரை செலுத்தப்படாத கடன் தவணைகளின் தொகை 5,670 மில்லியன் டொலர்களாகவும், வட்டித் தொகை 2,527 மில்லியன் டொலர்களாகவும் பதிவாகியுள்ளது.