இரண்டு பயணிகள் பேருந்துகள் ஒன்றுடன் ஒன்று மோதி விபத்துக்குள்ளாகியுள்ளன.
குறித்த விபத்தானது இன்று (11) கொழும்பு (Colombo) கண்டி (Kandy) பிரதான வீதியின் உதுவன்கந்த வலகடயாவ பிரதேசத்தில் இடம்பெற்றுள்ளது.
இந்த விபத்து சம்பவம் தொடர்பில் மேலும் தெரியவருகையில், பாணந்துறையில் இருந்து கண்டி நோக்கியும் மற்றும் கேகாலையில் இருந்து மாவனல்லை நோக்கி பயணித்த இலங்கை போக்குவரத்து சபைக்கு சொந்தமான இரண்டு பேருந்துகளே ஒன்றுடன் ஒன்று மோதி இவ்வாறு விபத்துக்குள்ளாகியுள்ளன.
விபத்து சம்பவம்
இந்த விபத்தில் காயமடைந்த சுமார் 18 பேர் கேகாலை மற்றும் மாவனெல்ல வைத்தியசாலைகளில் அனுமதிக்கப்பட்டுள்ளதாக கேகாலை காவல்துறையினர் தெரிவித்துள்ளனர்.
பாணந்துறையில் இருந்து வந்த பேருந்தில் ஏற்பட்ட தொழிநுட்பக் கோளாறு காரணமாக சாரதிக்கு பேருந்தை கட்டுப்படுத்த முடியாமமையினால் குறித்த விபத்து இடம்பெற்றிருக்கலாம் என காவல்துறையினர் சந்தேகம் வெளியிட்டுள்ளமை குறிப்பிடத்தக்கது.
