டொனால்ட் ட்ரம்ப், உக்ரைன் போரிலிருந்து விலகிச் செல்லக்கூடும் என்று அமெரிக்க ஜனாதிபதியின் மூத்த மகன் தெரிவித்துள்ளார்.
ட்ரம்பின் மூத்த மகனான டொனால்ட் ஜான் ட்ரம்ப், தனது தந்தையின் நிர்வாகத்தில் எந்த முறையான பங்கையும் கொண்டிருக்கவில்லை, ஆனால் மெகா இயக்கத்தில் ஒரு முக்கிய நபராக உள்ளார்.
அவரது தலையீடு ட்ரம்ப் குழுவிற்குள் உள்ள சிலருக்கு உக்ரைன் அரசாங்கத்தின் மீது உள்ள விரோதத்தை பிரதிபலிக்கிறது, மேலும் ட்ரம்பின் பேச்சுவார்த்தை குழு கியேவ் மீது பிரதேசத்தை விட்டுக்கொடுக்க அழுத்தம் கொடுத்து வரும் நிலையில் இது வருவதாக தெரிவிக்கப்படுகின்றது.
உக்ரைனுக்கான ஆதரவு
உக்ரைன் ஜனாதிபதி வோலோடிமிர் ஜெலென்ஸ்கி, தேர்தல் முடிந்தால் ஒருபோதும் வெற்றி பெற முடியாது என்பதை அறிந்திருந்ததால், போரை நீட்டித்து வருவதாக ட்ரம்ப் ஜூனியர் கூறியுள்ளார்.
மேலும், உக்ரைனில் அமைதியை நிலைநாட்ட முடியும் என்று கூறி தேர்தலில் போட்டியிட்ட அவரது தந்தை வெறுமனே விலகிச் செல்வது சாத்தியமா என்று கேட்டதற்கு, ஒருவேளை அவர் விலகிச் செல்வார் என்று கூறிய டிரம்ப் ஜூனியர், அரசியலில் மிகவும் கணிக்க முடியாத நபர்களில் ஒருவர் என்றும் அவர் குறிப்பிட்டுள்ளார்.
அமெரிக்கா இனி “காசோலை புத்தகத்தை வைத்திருக்கும் முட்டாள்” ஆக இருக்கப் போவதில்லை என்றும் அவர் கூறியுள்ளமை உக்ரைனுக்கு பெரம் சிக்கலை ஏற்படுத்துமா என கேள்வி எழுப்பியுள்ளது.
