மலையக பெருந்தோட்ட மக்கள் ஆர்வத்துடன் வாக்களிப்பு

பொதுத் தேர்தலுக்கான வாக்களிப்பு இன்று (14) காலை 7 மணிக்கு ஆரம்பமாகி தற்போது
இடம்பெற்று வருகின்றது.

நுவரெலியா

நுவரெலியா மாவட்டத்தில்
வாக்களிப்பு மாலை 04.00 மணி வரை சுமூகமாக இடம் பெற்றதாகவும் 70% சதவீதமான
வாக்குகள் அளிக்கப்பட்டதாகவும் மாவட்ட தேர்தல் தெரிவத்தாட்சி அதிகாரி / மாவட்ட செயலாளர் நந்தன கலபட தெரிவித்துள்ளார்.

 நுவரெலியா மாவட்டத்தில் இன்று (14) நண்பகல் 12 மணி வரையான காலப்பகுதியில்  40% சத
வீத வாக்கு பதிவு இடம்பெற்றுள்ளதாக நந்தன கலபட தெரிவித்துள்ளார்.

குறிப்பாக மலையகத்தை பொறுத்தவரை பெருந்தோட்ட மக்கள்
உட்பட அனைவரும் வாக்களிப்பு நிலையங்களுக்கு சென்று தங்களுடைய வாக்குகளை
பயன்படுத்துவதை காணக்கூடியதாக இருக்கின்றது.

இதேவேளை, காலை 8 மணி வரையான காலப்பகுதியில் நுவரெலியா மாவட்டத்தில் 7% சத வீத வாக்கு பதிவு இடம்பெற்றுள்ளதாக  நந்தன கலபட தெரிவித்துள்ளார்.

மேலும், நுவரெலியா மாவட்டத்தில் மாலை வேளையில் சீரற்ற காலநிலை இருக்கும் என்பதால் காலை வேளையிலேயே மக்கள் வாக்குச்சாவடிக்குச் சென்று வாக்களிக்கமாறும் அவர் குறிப்பிட்டுள்ளார்.

செய்தி-திருமால்