அண்டை நாடுகளுக்கு இடையிலான உறவுகளை வலுப்படுத்துவதற்காக இலங்கை ஜனாதிபதி அநுரகுமார திசாநாயக்க, இந்திய பிரதமர் நரேந்திர மோடி மற்றும் ஜனாதிபதி திரௌபதி முர்மு ஆகியோரை திங்கட்கிழமை புதுடில்லியில் சந்தித்திருந்தார்.
இந்நிலையில் இலங்கை அதன் சுதந்திர வரலாற்றில் மிக மோசமான பொருளாதார நெருக்கடியில் இருந்து மீண்டு வரும் நிலையில், வளமான இலங்கை பற்றிய தனது பார்வையை நனவாக்குவதற்கு இந்தியாவின் பொருளாதார ஆதரவு முக்கியமானது என்று அநுர கூறியுள்ளார்.
இந்தோ-இலங்கை பொருளாதார ஒத்துழைப்பை வலுப்படுத்துதல், முதலீட்டு வாய்ப்புகளை மேம்படுத்துதல், பிராந்திய பாதுகாப்பை மேம்படுத்துதல் மற்றும் சுற்றுலா மற்றும் எரிசக்தி போன்ற முக்கிய துறைகளை முன்னேற்றுதல் ஆகியவற்றில் இருதரப்பு உரையாடலின் மூலம் கவனம் செலுத்தப்பட்டது.
இந்த ஈடுபாடுகள் நமது இரு நாடுகளுக்கும் இடையிலான கூட்டுறவை ஆழப்படுத்துவதற்கான உறுதிப்பாட்டை மீண்டும் உறுதிப்படுத்துகின்றன.
இந்நிலையில் இது தொடர்பில் லங்காசிறியின் ஊடறுப்பு நிகழ்ச்சியில் கலந்துக்கொண்ட பிரித்தானியாவில் இருக்கும் இராணுவ ஆய்வாளர் கலாநிதி ஆருஸ் இந்தியாவிற்கு எதிரான சக்திகளுக்கு அனுர முக்கிய முடிவொன்றை வெளிப்படுத்தியுள்ளதாக தெரிவித்துள்ளார்.
மேலும், அநுரவுக்கு இந்தியாவும், இந்தியாவிற்கு அநுரவும் தேவைப்படுவதாகவும் கூறியுள்ளார்.
இது தொடர்பில் மேலும் கருத்து தெரிவித்த அவர்,
