ஜனாதிபதி அலுவலகத்தின் சட்டப் பணிப்பாளர் நாயகமாக சிரேஷ்ட சட்டத்தரணி ஜே.எம். விஜேபண்டார, ஜனாதிபதி அநுர குமார திஸாநாயக்கவினால் (Anura Kumara Dissanayake) நியமிக்கப்பட்டுள்ளார்.
இது தொடர்பான நியமனக் கடிதம் ஜனாதிபதியின் செயலாளர் கலாநிதி நந்திக சனத் குமாநாயக்கவினால் (Nandika Sanath Kumanayaka) இன்று (27) ஜனாதிபதி அலுவலகத்தில் சிரேஷ்ட சட்டத்தரணி ஜே.எம். விஜேபண்டாரவிடம் கையளிக்கப்பட்டுள்ளது.
சிரேஷ்ட சட்டத்தரணி
கொழும்பு ஆனந்த கல்லூரியின் பழைய மாணவரான விஜேபண்டார, கொழும்பு பல்கலைக்கழகத்தில் இளங்கலை (Honours) பட்டம், திறந்த பல்கலைக்கழகத்தில் சட்டமானி (Honours) பட்டத்தையும் பெற்றுள்ளார்.
மேலும், சிரேஷ்ட சட்டத்தரணி ஜே.எம்.விஜேபண்டார, கொழும்பு பல்கலைக்கழக (University of Colombo) சட்ட பீடத்தின் முன்னாள் விரிவுரையாளர் என்பதும் குறிப்பிடத்தக்கது.
