இஸ்ரேல் பிரதமர் பெஞ்சமின் நெதன்யாகுவுக்கு துருக்கிய அரசாங்கம் பிடியாணை உத்தரவை பிறப்பித்துள்ளது.காசாவில் அவர் இனப்படுகொலை செய்ததாகக் கூறி இந்த முடிவு எடுக்கப்பட்டது.
இஸ்தான்புல் வழக்கறிஞர் அலுவலகத்தின் வெள்ளிக்கிழமை அறிக்கையின்படி, போரில் ஈடுபட்ட 37 மூத்த அதிகாரிகளுக்கு எதிராகவும் பிடியாணை பிறப்பிக்கப்பட்டுள்ளது.
இவர்களில் இஸ்ரேலிய பாதுகாப்பு அமைச்சர் இஸ்ரேல் காட்ஸ், தேசிய பாதுகாப்பு அமைச்சர் இடமர் பென்-க்விர் மற்றும் இராணுவத் தளபதி லெப்டினன்ட் ஜெனரல் இயல் ஜமீர் ஆகியோர் அடங்குவர்.
மனிதகுலத்திற்கு எதிரான குற்றங்கள்
ஒக்டோபர் 2023 முதல் காசா மீதான போரில் இஸ்ரேல் “திட்டமிட்டு” செயல்பட்டு வருவதாகவும், “இனப்படுகொலை மற்றும் மனிதகுலத்திற்கு எதிரான குற்றங்கள்” செய்ததாகவும் அதிகாரிகள் மீது துருக்கி குற்றம் சாட்டியுள்ளது.
credit-aljazeera
எனினும் துருக்கிய ஜனாதிபதி எர்டோகனின் இந்த மக்கள் தொடர்பு தந்திரத்தை இஸ்ரேல் உறுதியாக நிராகரிக்கிறது,” என்று இஸ்ரேல் வெளியுறவு அமைச்சர் கிடியோன் சார் X இல் பதிவிட்டுள்ளார்.
வரவேற்றுள்ள ஹமாஸ் அமைப்பு
ஹமாஸ் அமைப்பு துருக்கியின் இந்த அறிவிப்பை வரவேற்றுள்ளது. “துருக்கிய மக்கள் மற்றும் அவர்களின் தலைவர்களின் நேர்மையான நிலைப்பாடுகளை பாராட்டத்தக்க நடவடிக்கை, அவர்கள் நமது ஒடுக்கப்பட்ட பாலஸ்தீன மக்களுடன் நீதி, மனிதநேயம் மற்றும் சகோதரத்துவத்தின் மதிப்புகளுக்கு உறுதியளித்துள்ளனர்” என்று தெரிவித்துள்ளது.
சர்வதேச குற்றவியல் நீதிமன்றம் (ICC) நெதன்யாகு மற்றும் அவரது முன்னாள் பாதுகாப்பு அமைச்சர் யோவ் காலன்ட் ஆகியோர் மீது “போர்க்குற்றங்கள்” என்று கூறப்பட்டதற்காக கைது பிடியாணைபிறப்பித்து கிட்டத்தட்ட ஒரு வருடம் கழித்து துருக்கியின் இந்த அறிவிப்பு வந்துள்ளமை குறிப்பிடத்தக்கது.
