நுவரெலியாவில் இலங்கை தொழிலாளர் காங்கிரஸ் வேட்பு மனு தாக்கல்!

நடைபெறவுள்ள 2024 ஆம் ஆண்டு நாடாளுமன்ற தேர்தலில் நுவரெலியா மாவட்டத்தில்
போட்டியிடுவதற்கான வேட்பு மனுவை இலங்கை தொழிலாளர் காங்கிரஸ் சார்பாக அதன்
பொதுச் செயலாளர் ஜீவன் தொண்டமான் மற்றும் தவிசாளர் மருதபாண்டி ராமேஷ்வரன்
உள்ளிட்ட குழுவினர் தாக்கல் செய்துள்ளனர்.

இன்று (11.10.2024) காலை நுவரெலியா மாவட்ட செயலகத்தில் குறித்த  வேட்பு மனு தாக்கல் செய்யப்பட்டுள்ளது.

யானை சின்னத்தில் போட்டி

நுவரெலியா மாவட்டத்தில் இலங்கை தொழிலாளர் காங்கிரஸ், முன்னாள் ஜனாதிபதி ரணில்
விக்கிரமசிங்க தலைமையிலான ஐக்கிய தேசிய கட்சியின் கூட்டணியின் கீழ் யானை
சின்னத்தில் போட்டியிடவுள்ளது.

இதன் நுவரெலியா மாவட்ட தலைமை வேட்பாளாரான ஜீவன் தொண்டமான் மற்றும்
வேட்பாளர்கள் உள்ளிட்ட பலர் மாவட்ட செயலகத்திற்கு வருகை தந்து வேட்பு மனுவை
தாக்கல் செய்தனர்.