பல சர்ச்சைகளுக்கு மத்தியில் இலங்கைக்கு வரவுள்ள எலான் மஸ்கின் ஸ்டார் லிங்க் சேவை

டெஸ்லா(Tesla) நிறுவனத்தின் தலைவரும் உலக பணக்காரர்களில் ஒருவரான எலான் மஸ்கின்(Elon Musk) ஸ்டார் லிங்க் இணையசேவைக்கு இலங்கையில் அனுமதி வழங்கப்பட்டுள்ளது.

இலங்கையில் செயற்கைக்கோள் அடிப்படையிலான இணைய சேவைகளை வழங்குவதற்கு Starlink நிறுவனத்திற்கு இலங்கை தொலைத்தொடர்பு ஒழுங்குமுறை ஆணையம் (TRCSL) அனுமதி வழங்கியுள்ளது.

இதனை தொழில்நுட்ப இராஜாங்க அமைச்சர் கனக ஹேரத் உறுதிப்படுத்தியுள்ளார்.

ஸ்டார் லிங்க் சேவை

மேலும், முறையான பொது கலந்தாய்வுக்குப் பிறகு ஒப்புதல் வழங்கப்பட்டுள்ளது என்றும் குறிப்பிட்டுள்ளார்.

இதற்கிடையில், பொது கலந்தாய்வு விவரங்கள் நாளை வெளியிடப்படும் என்று அதிபர்- ஊடகப் பிரிவு (PMD) தெரிவித்துள்ளது.

ஸ்டார்லிங்க்(Star Link) செயற்கை கோள் இணைய வசதி தொடர்பில் பல்வேறு வாதப் பிரதிவாதங்கள் இடம்பெற்று வரும் நிலையில் அரசாங்கம் இந்த அறிவிப்பினை வெளியிட்டுள்ளது.