கொழும்பில் கடும் வாகன நெரிசல் – வாகன சாரதிகளுக்கு எச்சரிக்கை

கொழும்பின் பல வீதிகளில் கடும் போக்குவரத்து நெரிசல் ஏற்பட்டுள்ளதாக தகவல்கள் வெளியாகியுள்ளன.

நாட்டில் தொடர்ந்தும் பதிவாகி வரும் கனமழை காரணமாக இந்த போக்குவரத்து நெரிசல் ஏற்பட்டுள்ளதாக தெரிவிக்கப்படுகின்றது.

அத்துடன் கொழும்பின் சில வீதிகள் நீரில் மூழ்கியுள்ளதாகவும் கூறப்படுகின்றது.

வாகன சாரதிகளுக்கு எச்சரிக்கை 

இதேவேளை இதற்கிடையில், கனமழைக்கு மத்தியில் வாகன சாரதிகளை எச்சரிக்கையாக இருக்குமாறு காவல்துறையினர் கேட்டுக் கொண்டுள்ளனர்.

இதேவேளை மலையக தொடருந்து பாதையில் இன்றும் (22) ரயில் போக்குவரத்து மட்டுப்படுத்தப்படும் என்று தொடருந்து திணைக்களம் தெரிவித்துள்ளது.

கண்டி முதல் கொழும்பு கோட்டை, கண்டி மற்றும் பொல்கஹவெல இடையேயான 10 தொடருந்து பயணங்கள் இன்று காலை இரத்து செய்யப்படும் என்று திணைக்களம் தெரிவித்துள்ளது. 

காற்றழுத்த தாழ்வு மண்டலம்

இன்று (22) மாலைக்குள் வடக்கு தமிழ்நாடு மற்றும் தெற்கு ஆந்திராவின் கடலோரப் பகுதிகளுக்கு அருகே ஒரு காற்றழுத்த தாழ்வு மண்டலமாக உருவாகும் என்று எதிர்பார்க்கப்படுவதாக இன்று காலை வானிலை முன்னறிவிப்பு வெளியிடப்பட்டது.

இதன் விளைவாக, மேல், சப்ரகமுவ, மத்திய, வடமேல் மற்றும் தென் மாகாணங்களிலும், யாழ்ப்பாணம் மற்றும் மன்னார் மாவட்டங்களிலும் அவ்வப்போது மழை அல்லது இடியுடன் கூடிய மழை பெய்யக்கூடும் என தெரிவிக்கப்பட்டுள்ளது.