சிறிலங்கா பொதுஜன பெரமுன எனும் அரசியல் கட்சி, மேல் மட்டத்திலிருந்து செயல்படும் சில அரசியல்வாதிகளை அடிப்படையாக கொண்டு செயல்படவில்லை என அந்த கட்சியின் பொதுச்செயலாளர் சாகர காரியவசம் (Sagara Kariyawasam) தெரிவித்துள்ளார்.
கட்சியின் சட்டத்தரணிகள் அமைப்புக்கான அலுவலத்தை கட்சியின் ஸ்தாபகர் பசில் ராஜபக்சவுடன் இணைந்து திறந்து வைத்ததன் பின்னர் ஊடகங்களுக்கு கருத்து தெரிவிக்கும் போதே, சாகர காரியவசம் இதனை கூறியுள்ளார்.
வெற்றி மாத்திரமே நோக்கம்
மேலும் அவர் கூறியதாவது, சிறிலங்கா பொதுஜன பெரமுனவில் இருந்து பிரிந்து சென்றவர்கள் தொடர்பில் நாம் கவலையடைய போவதில்லை.
யார் எமது கட்சியிலிருந்து பிரிந்து சென்றாலும் எம்முடன் தொடர்ந்தும் இணைந்து அடிமட்டத்தில் இருந்து செயல்படுகிறவர்கள் இன்றும் எம்முடனேயே இருக்கிறார்கள்.
எமது நோக்கம் வெற்றி மாத்திரமே.
அந்த வெற்றி எனும் இலக்கை அடைவதற்கான நடவடிக்கைகளை நாம் ஒரு கட்சியாக இணைந்து முன்னெடுப்போம். எமது பலம் இருப்பது இலங்கை மக்களுடன், மாறாக கட்சியிலிருந்து பிரிந்து சென்ற தரப்பினருடன் அல்ல.
