விண்வெளியில் பிறந்தநாள் கொண்டாடிய சுனிதா வில்லியம்ஸ்

இந்திய வம்சாவளி விண்வெளி வீராங்கனையான சுனிதா வில்லியம்ஸ் (Sunita Williams) தனது 59 பிறந்த தினத்தை விண்வெளியில் கொண்டாடியுள்ளார்.

விண்வெளிக்குச் சென்றுவிட்டு எட்டு நாட்களில் பூமிக்குத் திரும்பிவிடலாம் என்னும் திட்டத்துடன் விண்வெளிக்குச் சென்ற இந்திய வம்சாவளி விண்வெளி வீராங்கனையான சுனிதா வில்லியம்ஸ், தற்போது வரை பூமிக்கு திரும்பவில்லை.

விண்கலத்தில் ஏற்பட்டுள்ள கோளாறு காரணமாக பூமிக்குத் திரும்பமுடியாது என தகவல் வெளியாகியுள்ள நிலையில் பூமிக்குத் திரும்பமுடியாததால், விண்வெளியிலேயே தனது 59ஆவது பிறந்தநாளைக் கொண்டாடியுள்ளார்.

விண்வெளியில் பிறந்தநாள் 

மேலும், இவருக்கு திரைத்துறை நட்சத்திரங்கள் பலர்பிறந்தநாள் வாழ்த்துக்களைத் தெரிவித்துள்ளார்கள்.

காணொளியொன்றில் தங்கள் பிறந்தநாள் வாழ்த்துக்களை பாடலாக பாடி வெளியிட்டுள்ளனர்.

பொதுமக்களும் சுனிதாவுக்கு தங்கள் வாழ்த்துக்களை தெரிவித்துக்கொள்ளுமாறு அந்த காணொளியில் கேட்டுக்கொண்டுள்ளார்கள்.

இதேவேளை, இவர்கள் 2025ஆம் ஆண்டு பெப்ரவரி மாதம் வரை பூமிக்குத் திரும்பமுடியாது என தகவல் வெளியாகியுள்ளமையும் குறிப்பிடத்தக்கது.