அமெரிக்க உயர் படையதிகாரி இலங்கைக்கு விஜயம்

அமெரிக்க இந்தோ – பசுபிக் கட்டளைத் தளபதி (INDOPACOM) அட்மிரல் சாமுவேல் ஜே.
பப்பாரோ, இலங்கைக்கு பயணம் மேற்கொள்வதாக, கொழும்பில்
உள்ள அமெரிக்க தூதரகம் அறிவித்துள்ளது.

தனது பயணத்தின் போது, ​​அட்மிரல் பப்பாரோ, இலங்கையின் மூத்த அரசு அதிகாரிகள்
மற்றும் இராணுவத் தலைவர்களுடன் இணைந்து, நீடித்த அமெரிக்க – இலங்கை பாதுகாப்பு
கூட்டாண்மையை மீண்டும் உறுதிப்படுத்துவார் என்று தூதரகம் குறிப்பிடுள்ளது.

அமெரிக்காவின் தொடர்ச்சியான உறுதிப்பாடு

அத்துடன், இந்தோ – பசுபிக் பகுதியில் பிராந்திய ஸ்திரத்தன்மை மற்றும்
பாதுகாப்புக்கான அமெரிக்க தொலைநோக்குப் பார்வையையும் அவர் பகிர்ந்து கொள்வார்.

இந்த நிலையில், இலங்கையுடனான பாதுகாப்பு ஒத்துழைப்பை மேம்படுத்துவதற்கும்,
இந்தோ – பசுபிக் பகுதியில் பகிரப்பட்ட சவால்களை எதிர்கொள்வதற்கும் அமெரிக்காவின்
தொடர்ச்சியான உறுதிப்பாட்டை தளபதி பப்பாரோவின் வருகை அடிக்கோடிட்டுக்
காட்டுகிறது என்று அமெரிக்க தூதரகம், அறிக்கை ஒன்றில் தெரிவித்துள்ளது.