யாழில் இளம் குடும்பப்பெண்ணுக்கு கணவனால் நேர்ந்த கொடூரம் !

யாழ்ப்பாணம் – அச்சுவேலி பகுதியில் குடும்ப பிரச்சினை காரணமாக பெண் ஒருவர் தீயிட்டு எரியூட்டப்பட்டு வைத்தியசாலையில் அனுமதிக்கப்பட்டுள்ளார்.

குறித்த சம்பவம் நேற்றைய தினம் (25) இரவு 11 மணியளவில் இடம்பெற்றுள்ளது.

இரண்டு பிள்ளைகளின் தாயான பாலகிருஷ்ணன் நிருத்திகா என்ற 28 வயதான பெண்ணே இவ்வாறு எரிகாயங்களுக்கு உள்ளாகியுள்ளார்.

காயமடைந்த பெண் 

இந்த சம்பவம் தொடர்பில் மேலும் தெரியவருகையில், தனிப்பட்ட குடும்ப தகராறு காரணமாக கணவன் மதுபோதையில் வீட்டுக்கு வந்து மனைவியுடன் தகராறில் ஈடுபட்ட பின்னர் அறை ஒன்றுக்குள் பூட்டி வைத்து தீயினை மூட்டியதாக காவல்துறையினர் தெரிவித்துள்ளனர்.

இதையடுத்து, காயமடைந்த பெண் அச்சுவேலி பிரதேச வைத்தியசாலைக்கு கொண்டு செல்லப்பட்ட பின்னர் மேலதிக சிகிச்சைக்காக யாழ்ப்பாணம் போதனா வைத்தியசாலைக்கு அனுப்பி வைக்கப்பட்டுள்ளார்.

மேலும், கணவன் தப்பி சென்றுள்ள நிலையில் சம்பவம் தொடர்பில் அச்சுவேலி காவல்துறையினர் மேலதிக விசாரணைகளை மேற்கொண்டு வருகின்றமை குறிப்பிடத்தக்கது.

YOU MAY LIKE THIS