இந்தியாவுடனான உறவில் விரிசல் : மாலைதீவு எடுத்துள்ள மாற்று நடவடிக்கை

இந்தியாவுடனான(india) உறவில் ஏற்பட்ட விரிசலை அடுத்து சீன(china) சுற்றுலாப்பயணிகளை ஈர்ப்பதில் மாலைதீவு(maldives) அதிக கவனம் செலுத்த தொடங்கியுள்ளது.

மாலைதீவு ஜனாதிபதியாக முகமது முய்சு (முகமது முய்சு)கடந்த ஆண்டு பதவியேற்றபின் இந்தியாவுக்கும், அந்த நாட்டுக்கும் இடையேயான உறவில் விரிசல் ஏற்பட்டது. இதைத்தொடர்ந்து அந்த நாட்டுக்கு செல்லும் இந்திய சுற்றுலாப்பயணிகளின் எண்ணிக்கையும் கணிசமாக குறைந்தது.

குறைவடைந்த இந்திய சுற்றுலா பயணிகள்

இந்த வருடத்தின் 2-வது காலாண்டில் 28,604 இந்தியர்கள் மட்டுமே மாலைதீவிற்கு சுற்றுலா சென்றுள்ளனர். அதேநேரம் கடந்த ஆண்டு இதே காலாண்டில் 54,207 இந்தியர்கள் மாலைதீவு சென்றிருந்தனர்.

சீன சுற்றுலாப்பயணிகளை ஈர்க்க நேரடி விமான சேவை

இந்த நிலையில் சீன சுற்றுலாப்பயணிகளை ஈர்ப்பதில் மாலைதீவு கவனம் செலுத்தியுள்ளது.இதற்காக அங்குள்ள 4 பெரிய நகரங்களுக்கு நேரடி விமான சேவையை தொடங்குகிறது.

அதன்படி அடுத்த மாதம் (ஜனவரி) முதல் பீஜிங், ஷாங்காய், செங்டு மற்றும் ஜியான் நகரங்களுக்கு பெரிய விமானங்களை இயக்க மாலைதீவு முடிவு செய்துள்ளது. இந்த வழித்தடங்களை மாலைதீவு விமானப்போக்குவரத்து அமைச்சர் முகமது அமீன் அறிவித்தார்.