அநுரகுமார திசாநாயக்க தலைமையிலான தேசிய மக்கள் சக்திக்கு, கடன் மறுசீரமைப்பு தொடர்பான அடிப்படை அறிவுகூட கிடையாது என்று ஐக்கிய மக்கள் சக்தியின் நாடாளுமன்ற உறுப்பினர் கலாநிதி ஹர்ஷ டி சில்வா தெரிவித்துள்ளார்.
புரிதலற்ற அநுர தரப்பு
தேசிய மக்கள் சக்தியின் பொருளாதார குழுவினால் கடன் மறுசீரமைப்பு தொடர்பான அடிப்படை புரிதல் குறித்து இலங்கை பிணை முறி உரிமையாளர்கள் ஆச்சரியத்தை வெளியிட்டுள்ளதாகவும் அவர் குறிப்பிட்டுள்ளார்.
அண்மையில் இலங்கைக்கு விஜயம் செய்திருந்த இலங்கை பிணைமுறி உரிமையாளர்கள், தமது கட்சி மற்றும் தேசிய மக்கள் சக்தி உள்ளிட்ட பல்வேறு தரப்புகளை சந்தித்து பேச்சுவார்த்தை நடத்தியதாகவும் இதில், தேசிய மக்கள் சக்தியின் பொருளாதாரக் குழுவுக்கு கடன் மறுசீரமைப்பு தொடர்பான கொள்கைகளில் புரிதல் இல்லை என அவர்கள் கூறியதாகவும் ஹர்ஷ டி சில்வா கூட்டிக்காட்டியுள்ளார்.
