கனடாவில் இன்று நள்ளிரவு முதல் அதிகரிக்கும் எரிபொருள் விலை!

கனடாவின் ஒன்றாரியோ மாகாணத்தில் பெட்ரோலின் விலை அதிகரிக்கும் சாத்தியம் காணப்படுவதாக கனேடிய மலிவு சக்தி வள அமைப்பின் தலைவர் டேன் மெக் டியாகு தெரிவித்துள்ளார்.

2022ம் ஆண்டின் பின்னர் பதிவான அளவிற்கு விலை ஏற்றம் பதிவாகும் என பொருளியல் நிபுணர்கள் எச்சரிக்கை விடுத்துள்ளனர்.

 பெற்றோலின் விலை

  இன்று(18)நள்ளிரவு முதல் ஒன்றாரியோ  மற்றும் கியூபெக் ஆகிய மாகாணங்களில் ஒரு லீற்றர் பெட்ரோலின் விலை 14 சதங்களாக உயர்த்தப்பட உள்ளது.

அதன்படி,ஒன்றாரியோவில் ஒரு லீற்றர் பெட்ரோலின் விலை 1.79 டொலர்களுக்கும் மேல் உயர்வடையும் சாத்தியம் உண்டு என தெரிவிக்கப்படுகின்றது.

விலை உயர்வு

குபெக் மாகாணத்தில் ஒரு லீற்றர் பெட்ரோலின் விலை 1.88 டொலர்களை விடவும் உயர்வடையும் என எதிர்வுகூறப்பட்டுள்ளது.

கார்பன் வரி அதிகரிப்பு, எரிபொருள் விலை உயர்வு போன்ற காரணிகளினால் இவ்வாறு விலை உயர்வடையும் என தெரிவிக்கப்பட்டுள்ளது.