ஜப்பானில் (Japan) பரவும் வைரஸ் இலங்கையை (Sri Lanka) தாக்கும் அபாயம் தற்போதைக்கு இல்லை என சுகாதார இராஜாங்க அமைச்சர் சீதா அரம்பேபொல (Seetha Arambepola) தெரிவித்துள்ளார்.
ஜப்பானில் பரவி வரும் இந்த வைரஸ் காரணமாக ஆயிரக்கணக்கானவர்கள் பாதிக்கப்பட்டுள்ள நிலையில், அது இலங்கையிலும் பரவும் சாத்தியங்கள் உள்ளனவா என்று நாடாளுமன்றில் இன்று (20) கேள்வி எழுப்பப்பட்டது.
சிகிச்சை முறைமைகள்
இதற்குப் பதிலளித்த சுகாதார இராஜாங்க அமைச்சர் , “இந்த வைரஸானது ஜப்பானில் பரவி வருகின்ற நிலையில், அதனைக் கட்டுப்படுத்த அந்த நாட்டின் அதிகாரிகள் நடவடிக்கை எடுத்துள்ளனர்.
மேலும் இது கட்டுப்படுத்த முடியாத வைரஸ் ஒன்றுமல்ல. சிகிச்சை முறைமைகள் ஊடாக இதனைக் கட்டுப்படுத்தலாம்.
அதனால் இது பெருந்தொற்றாக மாறக்கூடிய ஆபத்தில்லை” என அவர் தெரிவித்துள்ளார்.
