யாழ் மறை மாவட்ட ஆயரை சந்தித்தார் நாமல் ராஜபக்ச

ஜனாதிபதி வேட்பாளர் நாமல் ராஜபக்சவிற்கும் (Namal Rajapaksa) யாழ் (Jaffna) மறை மாவட்ட ஆயரிற்கும் இடையிலான
சந்திப்பொன்று இடம்பெற்றுள்ளது.

குறித்த சந்திப்பானது இன்று (12) யாழ் மாவட்ட ஆயர் இல்லத்தில் முன்னெடுக்கப்பட்டுள்ளது.

இந்த சந்திப்பில் நாமல் ராஜபக்ச மற்றும் அவர் தரப்பை சார்ந்தவர்கள் பலரும் கலந்து கொண்டுள்ளனர்.

கலந்துரையாடல்

அத்தோடு, குறித்த சந்திப்பில் யாழ் மறை மாவட்ட ஆயர் ஜஸ்டின் ஞானப்பிரகாசம் (Justin Gnanapragasam) மற்றும் நாமல்
ராஜபக்சவிற்கும் இடையில் 15 நிமிடங்கள் சந்திப்பு இடம்பெற்றுள்ளது.

இந்த கலந்துரையாடல் தொடர்பான விடயங்களை நாமல் ராஜபக்ச பின்னர் தெரிவிப்பதாக குறிப்பிட்டுள்ளார்.

அத்தோடு, நாமல் ராஜபக்சவின் தேர்தல்
பரப்புரை கூட்டம் யாழ்ப்பாணம் வீரசிங்கம் மண்டபத்தில் சிறிலங்கா பொதுஜன பெரமுனவின் யாழ்ப்பாண மாவட்ட அமைப்பார் தம்பித்துரை ரஜீவ் (Thambithurai Rajiv) ஏற்பாட்டில் இன்று (12) யாழ்ப்பாணத்தில் இடம்பெற்றது.

மேலும், இந்த கூட்டத்தில் கட்சியின் யாழ் மாவட்ட உறுப்பினர்கள், பொதுமக்கள் மற்றும் இளைஞர்கள் என
பலர் கலந்து கொண்டிருந்தமை குறிப்பிடத்தக்கது.