எதிர்வரும் நவம்பர் மாத இறுதிப்பகுதியில் பொதுத் தேர்தல் நடைபெற வாய்ப்புள்ளதாக தேர்தல் ஆணைக்குழு தகவல் வட்டாரங்கள் தெரிவிக்கின்றன.
ஜனாதிபதி தேர்தலில் போட்டியிடும் ஐக்கிய மக்கள் சக்தி, தேசிய மக்கள் சக்தி உட்பட பல பிரதான கட்சிகள் ஜனாதிபதி தேர்தலில் வெற்றி பெற்றால் உடனடியாக நாடாளுமன்றத்தை கலைத்து பொது தேர்தலை நடத்துவோம் என ஏற்கனவே அறிவித்துள்ளன.
இதற்கு முன்னதாக, செப்டம்பர் 21ஆம் திகதி ஜனாதிபதித் தேர்தல் நடைபெற்று, புதிய ஜனாதிபதி பதவிப் பிரமாணம் செய்து, அதே வாரத்தில் பிரதிநிதிகள் சபையைக் கலைத்துவிட்டால், 66 நாட்களுக்குள் பொதுத் தேர்தலை நடத்தலாம் என்று தேர்தல் ஆணையம் தெரிவித்திருந்தது.
பொதுத் தேர்தல்
ஜனாதிபதித் தேர்தலுக்குப் பின்னர் பிரதிநிதிகள் சபை கலைக்கப்பட்டால், நவம்பர் கடைசி வாரத்தில் பொதுத் தேர்தலை நடத்த அதிக வாய்ப்புகள் இருப்பதாக தேர்தல்கள் ஆணைக்குழு வட்டாரங்கள் தெரிவிக்கின்றன.
