சிறந்த வரவேற்பை பெற்ற DNA.. முதல் நாள் எவ்வளவு வசூல் செய்துள்ளது தெரியுமா

DNA

தமிழ் சினிமாவில் பிரபலமான நடிகராக இருக்கும் அதர்வாவிற்கு நீண்ட நாட்களுக்கு பின் ஒரு சிறந்த படமாக DNA அமைந்துள்ளது.

இயக்குநர் நெல்சன் வெங்கடேசன் இயக்கத்தில் உருவான இப்படத்தில் அதர்வாவுடன் இணைந்து நிமிஷா சஜயன், ரமேஷ் திலக், பாலாஜி சக்திவேல் ஆகியோர் நடித்திருந்தனர்.

நேற்று திரையரங்கில் வெளிவந்த இப்படத்திற்கு மக்கள் மத்தியில் நல்ல வரவேற்பு கிடைத்துள்ளது. நீண்ட நாட்களாக அதர்வாவிடம் இருந்து இப்படி ஒரு படத்தைதான் எதிர்பார்த்திருந்தோம் என ரசிகர்கள் படத்தை பாராட்டி வருகிறார்கள்.

முதல் நாள் வசூல்

இந்த நிலையில், முதல் நாள் பாக்ஸ் ஆபிஸில் DNA திரைப்படம் செய்துள்ள வசூல் குறித்து தகவல் வெளியாகியுள்ளது. அதன்படி, முதல் நாள் ரூ. 80 லட்சம் வசூலை இப்படம் அள்ளியுள்ளது.

விமர்சன ரீதியாக நல்ல வரவேற்பை பெற்றுள்ள DNA படம், கண்டிப்பாக வரக்கூடிய நாட்களில் வசூலிலும் சிறந்த வரவேற்பை பெரும் என எதிர்பார்க்கப்படுகிறது.