தொழிலாளர் ஒத்துழைப்பு மற்றும் இலங்கைத் தொழிலாளர்களை தாய்லாந்தில் வேலைவாய்ப்புக்கு அனுப்புவது தொடர்பாக இலங்கைக்கும் தாய்லாந்துக்கும் இடையே பல முக்கிய ஒப்பந்தங்கள் கையெழுத்தாகியுள்ளன.
வெளியுறவு அமைச்சர் விஜய்தா ஹெரத்தின் தாய்லாந்து உத்தியோகப்பூர்வ பயணத்தின் போது, நேற்று (14.09.2026) பாங்காக்கில் இந்த ஒப்பந்தங்கள் கையெழுத்தானதாக தெரிவிக்கப்பட்டது.
இந்த ஒப்பந்தங்கள் இலங்கைத் தொழிலாளர்களின் உரிமைகள், நலன் மற்றும் பாதுகாப்பை உறுதி செய்வதோடு, இரு நாடுகளுக்கும் பாதுகாப்பான, நிலையான மற்றும் ஆக்கப்பூர்வமான வேலைவாய்ப்புகளுக்கு வழிவகுக்கின்றன.
இலங்கைத் தொழிலாளர்களின் உரிமை
தாய்லாந்தில் தற்போதுள்ள தொழிலாளர் தேவைகளைப் பூர்த்தி செய்யும் வகையில், முதல் கட்டமாக 10,000 இலங்கையர்களுக்கு வேலை வாய்ப்புகளை வழங்குவதற்கு தாய் அரசாங்கம் ஒப்புதல் அளித்துள்ளது.
மேலும் இது, தகவல் தொழில்நுட்பம் மற்றும் சுற்றுலா உள்ளிட்ட துறைகளில் இலங்கை இளைஞர்களுக்கான பயிற்சி மற்றும் வேலைவாய்ப்புகளை விரிவுபடுத்துவதற்கான வாய்ப்புகளையும் வழங்கும்.
Source: https://ibctamil.com/article/job-opportunities-10-000-sri-lankans-in-thailand-1789446639