பெரும்பான்மையான மக்கள் ஜனாதிபதி ரணில் விக்ரமசிங்கவின் வெற்றிக்காக அமைதியாக அணிவகுத்து நிற்கின்றார்கள் என்று நகர அபிவிருத்தி அமைச்சர் பிரசன்ன ரணதுங்க தெரிவித்துள்ளார்.
வார இதழொன்றுக்கு வழங்கிய நேர்காணலின்போதே அவர் மேற்கண்டவாறு குறிப்பிட்டார்.
ரணிலின் வெற்றி..
தொடர்ந்தும் தெரிவிக்கையில்,
எதிர்வரும் ஜனாதிபதித் தேர்தலில் ரணில் விக்ரமசிங்கவை தோற்கடிக்க எவரேனும் சிந்தித்தால், நாட்டைக் கட்டியெழுப்ப ஒருவரைத் தேட வேண்டும்.
பெரும்பான்மையான மக்கள் ரணில் விக்ரமசிங்கவின் வெற்றிக்காக அமைதியாக அணிவகுத்து நிற்கிறார்கள் என்று நான் உறுதியாக நம்புகிறேன்.
நாட்டைப் பார்த்து வெற்றி பெற வேண்டுமானால் அனைவரும் அவருக்கு வாக்களித்து வெற்றி பெறச் செய்ய வேண்டும்.
ரணிலை தோற்கடிக்க நினைக்கும் ஒவ்வொரு முறையும், தோற்பது ரணில் விக்ரமசிங்க அல்ல, நாமும் நமது நாடும் தான் என்பதை நினைவில் கொள்ளுங்கள்.
மேலும், ரணிலை தோற்கடிக்க ஒவ்வொரு முறையும் நீங்கள் வாக்களிக்கும் போதும் நாளைய பாதாளத்தில் இருந்து நாட்டையும் உங்களையும் காப்பாற்ற சரியான நேரத்தில் வேறு யாரையாவது கண்டுபிடிக்க மறக்காதீர்கள்.
ஏனெனில் இன்று ஜனாதிபதித் தேர்தலில் போட்டியிடுகின்றவர்கள் எவரும், உங்களுக்கும், நாட்டுக்கும் பிரச்சினை ஏற்பட்ட போது உங்களது அடைக்கலத்திற்கு வந்தவர்கள் இல்லை என குறிப்பிட்டுள்ளார்.