உலகின் மிக முக்கியமான கப்பல் பாதைகளில் ஒன்றான ஹோர்முஸ் நீரிணையை ஈரான்(iran) மூடுவதைத் தடுக்குமாறு அமெரிக்க வெளியுறவுச் செயலாளர் மார்கோ ரூபியோ (Marco Rubio) சீனாவைக் கோரியுள்ளார்.
ஈரானின் அரசு தொலைக்காட்சி, நீரிணையை மூடும் திட்டத்தை நாடாளுமன்றம் அங்கீகரித்ததாகவும், இறுதி முடிவு உச்ச தேசிய பாதுகாப்பு கவுன்சிலிடம் இருப்பதாகவும் தெரிவித்ததைத் தொடர்ந்து அவரது கருத்துக்கள் வந்துள்ளன.
எண்ணெய் விநியோக தடை
எண்ணெய் விநியோகத்தில் ஏற்படும் எந்தவொரு இடையூறும் பொருளாதாரத்தில் ஆழமான பாதிப்புகளை ஏற்படுத்தும்.
குறிப்பாக சீனா உலகின் மிகப்பெரிய ஈரானிய எண்ணெயை வாங்கும் நாடு மற்றும் தெஹ்ரானுடன் நெருங்கிய உறவைக் கொண்டுள்ளது.
ஈரானிய அணுசக்தி தளங்கள் மீதான அமெரிக்காவின் தாக்குதலைத் தொடர்ந்து எண்ணெய் விலைகள் உயர்ந்தன, கச்சா எண்ணெயின் விலை ஐந்து மாதங்களில் அதன் அதிகபட்ச அளவை எட்டியது.
ஈரானுடன் தொடர்பு கொள்ளுங்கள்
சீன அரசாங்கம் எண்ணெய்க்காக ஹோர்முஸ் நீரிணையை பெரிதும் நம்பியிருப்பதால், அதைப் பற்றி ஈரானை தொடர்பு கொள்ளுமாறு நான் ஊக்குவிக்கிறேன்,” என்று ரூபியோ ஞாயிற்றுக்கிழமை பொக்ஸ் நியூஸுக்கு அளித்த பேட்டியில் கூறினார்.
“ஈரான் நீரிணையை மூடினால் அது அவர்களுக்கு பொருளாதார ரீதியாக தற்கொலையாக இருக்கும். அதைச் சமாளிப்பதற்கான திட்டங்களை நாங்கள் வைத்திருக்கிறோம், ஆனால் மற்ற நாடுகளும் அதைப் பார்க்க வேண்டும். இது மற்ற நாடுகளின் பொருளாதாரங்களை நம்முடையதை விட மோசமாக பாதிக்கும்.”என தெரிவித்துள்ளார்.
