இலங்கை(sri lanka)முழுவதும் மொத்தம் 3,300 வாய் புற்றுநோய் நோயாளிகள் பதிவாகியுள்ளனர், புகைபிடித்தல், வெற்றிலை மெல்லுதல் மற்றும் மது அருந்துதல் போன்ற வாழ்க்கை முறை காரணிகளுடன் தொடர்புடைய எண்ணிக்கை அதிகரித்து வருவதாக பல் அறுவை சிகிச்சை நிபுணர் மருத்துவர் பிரசன்ன ஜெயசேகர தெரிவித்தார்.
20 முதல் 30 வயதுக்குட்பட்ட இளைஞர்களிடையே வாய் புற்றுநோய் அதிகரித்து வருவதாகவும் அவர் குறிப்பிட்டார்.
தினமும் சுமார் 10 புதிய வாய் புற்றுநோய் நோயாளிகள்
தினமும் சுமார் 10 புதிய வாய் புற்றுநோய் நோயாளிகள் இனம் காணப்படுகின்றனர்.இதில் 15% ஆண்களிலும் 3% பெண்களிலும் புற்றுநோய் கண்டறியப்படுவதாக அவர் கூறினார்.
2019 ஆம் ஆண்டில், 231 வாய் புற்றுநோய்கள் பதிவாகியுள்ளன, ஆனால் 2021 ஆம் ஆண்டில் இந்த நோய் ஒவ்வொரு நாளும் சராசரியாக மூன்று இறப்புகள் என 1,236 இறப்புகளுக்கு வழிவகுத்தது.
உடனடியாக மருத்துவ பரிசோதனை
சுகாதார அமைச்சகம் பொதுமக்களுக்கு விழிப்புணர்வை ஏற்படுத்தும் பிரசாரங்களைத் தொடர்கிறது, வழக்கமான பல் பரிசோதனைகள் மற்றும் ஏதேனும் அசாதாரண வாய் அறிகுறிகளுக்கு உடனடியாக மருத்துவ பரிசோதனையை மேற்கொள்ளுமாறு சுகாதார அமைச்சு வலியுறுத்தியுள்ளது.
