கிழக்கு மற்றும் வடமத்திய மாகாணங்களுக்கான புதிய தலைமைச் செயலாளர்களை ஜனாதிபதி
அநுரகுமார திசாநாயக்க (Anura Kumara Dissanayake) நியமித்துள்ளார்.
அதன்படி, கிழக்கு மாகாணத்தின் தலைமைச் செயலாளராக டி.ஏ.சி.என். தலங்கமவும்,
வடமத்திய மாகாணத்தின் தலைமைச் செயலாளராக ஜே.எம்.ஜெயசிங்கவும்
நியமிக்கப்பட்டுள்ளனர்.
நியமனக் கடிதம்
ஜனாதிபதியின் செயலாளர் நந்திக சனத் குமநாயக்க நேற்று ஜனாதிபதி செயலகத்தில்
வைத்து அவர்களுக்கு அதிகாரப்பூர்வ நியமனக் கடிதங்களை வழங்கினார்.
இந்த நியமனத்திற்கு முன்னர், டி.ஏ.சி.என். தலங்கம மீன்வள அமைச்சகத்தில்
கூடுதல் செயலாளராகவும், ஜே.எம்.ஜெயசிங்க கேகாலை மாவட்ட செயலாளராகவும்
பணியாற்றினர் என்பது குறிப்பிடத்தக்கது.