புதிய இணைப்பு
இலங்கை தமிழரசுக் கட்சியின் (ITAK) மத்திய செயற்குழு கூட்டத்திற்கான ஏற்பாடுகள் செய்யப்பட்டுள்ள நிலையில் தற்போது தமிழரசுக் கட்சியின் முக்கிய உறுப்பினர்கள் வருகை தந்த வண்ணம் உள்ளன.
தமிழரசுக் கட்சியின் மத்திய செயற்குழு கூட்டம் இன்றையதினம் (18.01.2025) திருகோணமலையில் நடைபெறவுள்ளது.
இந்த கூட்டத்திற்கு தற்போது வரையில் நாடாளுமன்ற உறுப்பினர் சிவஞானம் சிறீதரன், எம்.ஏ. சுமந்திரன், இரா. சாணக்கியன், சிறிநேசன் ஆகியோர் வருகை தந்துள்ளதாக எமது செய்தியாளர் குறிப்பிட்டுள்ளார்.
முதலாம் இணைப்பு
இலங்கை தமிழரசுக் கட்சியின் (ITAK) மத்திய செயற்குழு கூட்டம் இன்றையதினம் (18.01.2025) நடைபெறவுள்ளது.
இலங்கை தமிழரசுக் கட்சியின் பதில் தலைவர் சீ.வி.கே சிவஞானம் (C. V. K. Sivagnanam ) தலைமையில் இந்த கூட்டம் திருகோணமலையில் (Trincomalee) நடைபெறவுள்ளது.
இதன்போது, கட்சிக்கு எதிராக தொடரப்பட்டுள்ள வழக்கு, உள்ளூராட்சி மன்ற தேர்தல் உள்ளிட்ட பல விடயங்கள் தொடர்பில் கலந்துரையாடப்படவுள்ளதாக இலங்கை தமிழரசுக் கட்சியின் முன்னாள் நாடாளுமன்ற உறுப்பினர் எம். ஏ சுமந்திரன் தெரிவித்துள்ளார்.
