ஐக்கிய மக்கள் சக்தியின் (SJB) நாடாளுமன்ற உறுப்பினர் திஸ்ஸ அத்தநாயக்க (Tissa Attanayake) பயணித்த சொகுசு வாகனம் விபத்திற்குள்ளாகியுள்ளது.
ஜாவத்தை (Jawatta) வீதியில் சலுசல பிரதேசத்திற்கு அருகில் நேற்றிரவு (17) விபத்துக்குள்ளாகியுள்ளதாக நாரஹேன்பிட்டி காவல்துறையினர் தெரிவித்துள்ளனர்.
இந்த விபத்தில் நாடாளுமன்ற உறுப்பினர் உட்பட 3 பேர் காயமடைந்துள்ளதாக குறிப்பிடப்படுகின்றது.
காவல்துறையினர் தெரிவிப்பு
நாடாளுமன்ற உறுப்பினரின் வாகனமும், காரும் மோதியதில் இந்த விபத்து நேர்ந்துள்ளது.
விபத்தில் காயமடைந்தவர்களில் காரின் சாரதி மற்றும் பயணி ஒருவரும் அடங்குவதாகவும் தெரிவிக்கப்படுகின்றது.
இதேவேளை காயமடைந்த மூவரும் நாரஹேன்பிட்டி (Narahenpita) தனியார் வைத்தியசாலையில் சேர்க்கப்பட்டுள்ளதாகவும் காவல்துறையினர் தெரிவித்துள்ளமை குறிப்பிடத்தக்கது.