Courtesy: Sivaa Mayuri
அரசாங்கம் சுயமாக ஏற்படுத்திய பிரச்சினைகளுக்கு தற்காலிக சிகிச்சையைக் கொண்டாடுவதாக தேசிய மக்கள் சக்தியின் தலைவர் அனுரகுமார திசாநாயக்க(Anura Kumara Dissanayake) தெரிவித்துள்ளார்.
சர்வதேச நாணய நிதியத்தின் வேலைத்திட்டத்தை நடைமுறைப்படுத்தும் போதும் இலங்கையின் கடனை மறுசீரமைக்கும் போதும் தற்போதைய அரசாங்கம் இலங்கையர்களுக்கு பாரிய சுமையை ஏற்படுத்தியுள்ளதாக அவர் குற்றம் சுமத்தியுள்ளார்.
தேசிய புத்திஜீவி அமைப்பின் ஏற்பாட்டில் குருநாகல் மாவட்டத்தில் நேற்று(06.07.2024) இடம்பெற்ற வைத்திய நிபுணர்கள் சந்திப்பில் கலந்து கொண்டு உரையாற்றும் போதே அவர் இதனை தெரிவித்துள்ளார்.
கடன் மறுசீரமைப்பு
அவர் மேலும் குறிப்பிடுகையில்,
“இலங்கையின் கடனை மறுசீரமைக்காமல் சர்வதேச நாணய நிதியத்தின் திட்டத்தை நடைமுறைப்படுத்துவது சாத்தியமற்றதாக இருந்திருக்கும்.
இதன் காரணமாக சர்வதேச நாணய நிதியத்துடன் ஒரு உடன்பாடு ஏற்படுத்திக்கொள்ளப்பட்டது.
அந்த ஒப்பந்தத்தில் குறிப்பிடப்பட்டுள்ள பல நிபந்தனைகளை இலங்கை பூர்த்தி செய்துள்ளது.
எனினும், அந்த நிபந்தனைகளில் பெரும்பாலானவை பொது மக்களுக்கு பெரும் சுமையை ஏற்றுவதன் மூலம் பூர்த்தி செய்யப்பட்டன.
இந்நிலையில், கடனை வெற்றிகரமாக மறுகட்டமைக்க, செலவினங்களைக் கட்டுப்படுத்துவதன் மூலமும் வருமானத்தை அதிகரிப்பதன் மூலமும் அரசாங்கம் ஏற்றுக்கொள்ளக்கூடிய இருப்புநிலைக் குறிப்பை முன்வைக்க வேண்டும் என்று அவர் வலியுறுத்தினார்.
கடன் மறுசீரமைப்பு என்பது எவ்வாறு ஒரு பண்டிகை நிகழ்வாக மாறியது, ஜனாதிபதியை நாட்டு மக்களுக்கு உரையாற்ற தூண்டியது எப்படி?
இந்தியா வெற்றிகரமாக சந்திரனில் இறங்குவதை எவ்வாறு கொண்டாடியது என்பதை அண்மையில் பார்க்கமுடிந்தது.
எனினும், இலங்கையில் கடனைத் திருப்பிச் செலுத்துவதை ஒத்திவைத்த உடன்பாட்டை கொண்டாடியுள்ளனர்.
இதன்படி, இலங்கையில் அவர்கள் கடனைத் தாங்களே எடுத்துக் கொண்டனர், அதை அவர்கள் செலுத்த மறுத்தனர்.
இதையடுத்து, அவர்கள் கடனை திருப்பி செலுத்துவதற்கான காலக்கெடுவை நீடிக்க பேச்சுவார்த்தை நடத்தினர், பின்னர் அதை ஒரு சாதனையாக கொண்டாடினர் “என்று அனுர திசாநாயக்க விமர்சித்துள்ளார்.