யாழில் சர்வமத தலைவர்களை சந்தித்த ஜனாதிபதி வேட்பாளர் திலித் ஜயவீர

சர்வஜன அதிகாரத்தின் (Sarvajana Balaya) ஜனாதிபதி வேட்பாளர் திலித் ஜயவீர (Dilith Jayaweera) யாழ்ப்பாணத்திற்கு (Jaffna)விஜயம் செய்துள்ளார்.

யாழில் இன்றையதினம் (17) சர்வமத தலைவர்களை சந்தித்து கலந்துரையாடினார்.

ஆரியகுளம் நாகவிகாரை, யாழ்ப்பாணம் ஆயர் இல்லம், ஐந்து சந்தி ஜும்மா
பள்ளிவாசல், நல்லை ஆதீனம் மற்றும் நல்லூர் கந்தசுவாமி கோயிலுக்கும் திலித் ஜயவீர சென்றுள்ளார்.

ஜனாதிபதி தேர்தலில் போட்டி

இதன்போது, சர்வஜன அதிகாரத்தின் கட்சித் தலைவர்களான விமல் வீரவன்ச (Wimal Weerawansa), உதய
கம்மன்பில (Udaya Gammanpila), கெவிந்து குமாரதுங்க (Gevindu Kumaratunga), அனுராத ஜகம்பத் (Anuradha Yahampath) உள்ளிட்ட பலரும் கலந்துகொண்டனர்.

மௌபிம ஜனதா கட்சியின் (MJP) தலைவரான திலித் ஜயவீர இம்முறை ஜனாதிபதி தேர்தலில் நட்சத்திர
சின்னத்தில் போட்டியிடுகின்றார்.

குறித்த கட்சியின் அங்குரார்ப்பண முதலாவது பொதுக்கூட்டம் இன்று மதியம் (17) திலித் ஜயவீர தலைமையில் யாழ்ப்பாணத்தில்
ஆரம்பமாகவுள்ளமை குறிப்பிடத்தக்கது.