தென்னாபிரிக்க நாடான போட்ஸ்வானாவில் (Botswana) உலகின் இரண்டாவது பாரிய வைரம் கண்டுபிடிக்கப்பட்டுள்ளது.
போட்ஸ்வானாவினட தலைநகர் கபரோனில் இருந்து 500 கி.மீ தொலைவில் உள்ள கெய்ரோ (Cairo) சுரங்கத்தில் இருந்து இந்த 2492 கரட் வைரம் கண்டுபிடிக்கப்பட்டுள்ளது.
இந்த நிலையில், குறித்த வைரத்தை கனடாவின் (Canada) லுகாரா டயமண்ட் கர்ப் நிறுவனம் (Lucara Diamond Corp) கண்டுபிடித்துள்ளதாக தெரிவிக்கப்படுகிறது.
மிகப்பெரிய வைரம்
இதன் படி, 1905 ஆம் ஆண்டில் தென்னாப்பிரிக்காவில் கண்டுபிடிக்கப்பட்ட 3106 கரட் கல்லினன் (Cullinan) வைரத்திற்குப் பிறகு இதுவரை கண்டுபிடிக்கப்பட்ட மிகப்பெரிய வைரம் இது என கூறப்படுகிறது.
இதேவேளை, கடந்த 2019 ஆண்டில் இதே சுரங்கத்தில் 1758 கரட் செவாலோ வைரமொன்று கண்டு பிடிக்கப்பட்ட நிலையில், இது பிரோன்ஸ் நிறுவனமொன்றால் கொள்வனவு செய்யப்பட்டுள்ளது.
உலகின் 20 வீதமான வைரம்
மேலும், 2017 ஆம் ஆண்டில், போட்ஸ்வானாவின் கெய்ரோ சுரங்கத்தில் 1,111 கரட் லெசிடி லா ரோனா வைரம் கண்டுபிடிக்கப்பட்டதுடன், அதனை பிரித்தானிய வர்த்தகர் ஒருவர் ரூ.444 கோடிக்கு வாங்கியுள்ளார்.
இந்த நிலையில், உலகின் மிகப்பாரிய வைர உற்பத்தியாளர்களில் ஒன்றான போட்ஸ்வானாவில் உலகின் 20 வீதமான வைரம் உற்பத்தி செய்யப்படுகின்றமை குறிப்பிடத்தக்கது.