தமிழ்ப் பொது வேட்பாளர் பா.அரியநேத்திரன் (P. Ariyanethiran), மன்னார் ஆயர் இல்லத்திற்குச் சென்று மன்னார் (Mannar) மறைமாவட்ட ஆயர் மேதகு இம்மானுவேல் பெர்னாண்டோ ஆண்டகை யை சந்தித்து ஆசி பெற்றுள்ளார்.
ஜனாதிபதித் தேர்தலில் போட்டியிடும் தமிழ்ப் பொது வேட்பாளரின் தேர்தல் பிரசார
கூட்டம் மன்னாரின் பல பாகங்களிலும் முன்னெடுக்கவுள்ள நிலையில் இன்றைய தினம்
திங்கட்கிழமை (02) மதியம் மன்னாரிற்கு விஜயம் மேற்கொண்டுள்ளார்.
இதன்போது, மன்னார் பஜார் பகுதியில் உள்ள தந்தை செல்வாவின் சிலைக்கு மாலை அணிவித்து அஞ்சலி செலுத்தியுள்ளார்.
பிரச்சார நடவடிக்கை
இதையடுத்து, மன்னார் நகரில் இருந்து பா.அரியநேத்திரன் மங்கள வாத்தியத்துடன் அழைத்துச் செல்லப்பட்டுள்ளார்.
பின்னர் மன்னார் ஆயர் இல்லத்திற்குச் சென்று மன்னார் மறைமாவட்ட ஆயரிடம் ஆசி
பெற்றதுடன் இதன் போது அருட்தந்தை நேரு அடிகளாரும் கலந்துகொண்டுள்ளார்.
மேலும், நாளை வியாழக்கிழமை (03) மாலை வரை மன்னாரில் தங்கியுள்ள அவர் பல்வேறு
இடங்களுக்கு சென்று தேர்தல் பிரச்சார நடவடிக்கையில் ஈடுபடவுள்ளமை குறிப்பிடத்தக்கது.
