கடந்த 24 மணி நேரத்திற்குள் தேர்தல்கள் ஆணைக்குழுவிற்கு 172 முறைப்பாடுகள் கிடைத்துள்ளதாக ஆணைக்குழு வெளியிட்டுள்ள அறிக்கையில் குறிப்பிடப்பட்டுள்ளது.
இதன்படி, தேசிய தேர்தல் முறைப்பாட்டு முகாமைத்துவ நிலையத்திற்கு சட்டத்தினை மீறியதாக 30 முறைப்பாடுகள் கிடைத்துள்ளன.
மொத்த முறைப்பாடுகள்
மேலும், மாவட்ட தேர்தல் முறைப்பாட்டு முகாமைத்துவ நிலையத்திற்கு சட்டத்தினை மீறியதாக 142 முறைப்பாடுகள் முன்வைக்கப்பட்டுள்ளன.
இதற்கமைய, கடந்த 24 மணி நேரத்திற்குள் மேலதிக 06 முறைப்பாடுகளுடன் சேர்த்து சுமார் 172 முறைப்பாடுகள் பதிவு செய்யப்பட்டுள்ளன.
அதேவேளை, கடந்த ஜுலை 31ஆம் திகதி தொடக்கம் செப்டம்பர் 08 ஆம் திகதி வரை அறிக்கையிடப்பட்ட மொத்த முறைப்பாடுகளின் எண்ணிக்கை 3041 என ஆணைக்குழு குறிப்பிட்டுள்ளது.
