நாடாளுமன்ற பெண் ஊழியர் ஒருவர் மீது பாலியல் அத்துமீறல் ஏதேனும் செய்யப்பட்டுள்ளதா என்பதை விசாரித்து அறிக்கை அளிக்க நியமிக்கப்பட்ட ஓய்வுபெற்ற உயர்நீதிமன்ற நீதிபதி சுஜாதா அழகப்பெரும, நேற்று (24) சபாநாயகர் மருத்துவர் ஜகத் விக்ரமரத்னவிடம் தனது இறுதி அறிக்கையை சமர்ப்பித்தார்.
நாடாளுமன்ற தகவல் அமைப்புகள் மற்றும் மேலாண்மைத் துறையின் பெண் ஊழியர் ஒருவர் பாலியல் அத்துமீறலுக்கு ஆளானதாக எதிரணி நாடாளுமன்ற உறுப்பினர் முஜிபுர் ரஹ்மான் 2025.01.07 அன்று சபையில் ஆற்றிய உரையில் தெரிவித்தார்.
உள்ளக விசாரணை
இந்த விவகாரம் தொடர்பாக உள்ளக விசாரணை நடத்தப்பட்டது, மேலும் புகார்தாரர் விசாரணையில் திருப்தி அடையாததால், நாடாளுமன்ற பணியாளர் ஆலோசனைக் குழு 2025.07.25 அன்று இந்த விவகாரம் குறித்து வெளிப்புற விசாரணை நடத்த முடிவு செய்தது.
அதன்படி, ஓய்வுபெற்ற உயர்நீதிமன்ற நீதிபதி சுஜாதா அழகப்பெரும இந்த விவகாரம் தொடர்பான அனைத்து தரப்பினரையும் அழைத்து, உண்மைகளை ஆராய்ந்து, இந்த இறுதி அறிக்கையைத் தயாரித்துள்ளார்.
சபாநாயகரிடம் சமர்ப்பிக்கப்பட்ட அறிக்கை
நேற்று சபாநாயகரிடம் சமர்ப்பிக்கப்பட்ட அறிக்கையின்படி, விசாரணையின் போது வெளிப்படுத்தப்பட்ட உண்மைகள், கூறப்பட்ட புகாரை அளித்த அதிகாரிக்கு எதிராக எந்த பாலியல் அத்துமீறலும் செய்யப்படவில்லை என்பதைக் குறிக்கிறது என்று அறிக்கை முடிவு செய்துள்ளது.
மேலும், மேற்படி பிரிவில் வேறு எந்த அதிகாரியும் பாலியல் அத்துமீறலுக்கு ஆளாகவில்லை என்றும் அறிக்கை கூறுகிறது.