வரலாற்று முக்கியத்துவம் வாய்ந்த தீர்மானத்தை நடைமுறைப்படுத்த தயாராகும் தமிழ் மக்கள்

நடைபெறவுள்ள அரசு தலைவருக்கான தேர்தலில் தமிழ் பொதுவேட்பாளர் ஊடாக தமிழர்கள் எதிர்கொள்ளும் தீர்மானம் வரலாற்று முக்கியத்துவம் வாய்ந்து என யாழ் வடமராட்சி ஊடக இல்ல செயலாளர் இரா.மயூதரன் தெரிவித்துள்ளார்.

குறித்த விடயமானது தமிழ்ப் பொதுவேட்பாளரை ஆதரித்து யாழ் வடமராட்சி ஊடக இல்ல செயலாளர் இரா.மயூரதன் விடுத்துள்ள ஊடக அறிக்கையிலேயே குறிப்பிடப்பட்டுள்ளது.

இது தொடர்பாக குறித்த அறிக்கையில் மேலும் தெரிவிக்கப்பட்டுள்ளதாவது, “13 ஆவது அரசியலமைப்பு திருத்தத்தை திரவாக ஏற்றுக்கொள்ள நாம் தயாராக இல்லை.

ஒரு புள்ளடி

தமிழ் மக்களின் நியாயமான அரசியல் தீர்வாக சமஷ்டியையே தமிழ் மக்களாகிய நாம் கோரி நிற்கின்றோம் இதனையே யாழ் வடமராட்சி ஊடக இல்லமும் எதுவித சமரசத்திற்கும் இடமின்றி வலியுறுத்தி நிற்கின்றது.

இனவழிப்பு செய்யப்பட்ட இனமாக சர்வதேசத்திடம் நீதிகேட்டு எழுந்து நிற்கும் இளமாக அதனை வலுப்படுத்தும் வகையில் தமிழ்ப் பொது வேட்பாளருக்கு நாமும் எமது ஆதரவை வழங்கி நிற்கின்றோம்.

ஆகவே, இவ் வரலாற்று சந்தர்ப்பத்தினை எமதாக்கும் வகையில் செப்டெம்பெர் 21 ஆம் திகதி தமிழ் மக்கள் அனைவரும் வாக்குச்சாவடிகளை நோக்கி அலைகடலெனத் திரண்டு சங்கு சின்னத்துக்கு நேராக ஒரே ஒரு புள்ளடியை மட்டும் இட்டு மெளனப் புரட்சியின் விழுதுகளாக அணியமாவோம்” என அவர் தெரிவிக்கப்பட்டுள்ளது.