ராஷ்மிகா மந்தனா
தென்னிந்திய சினிமாவின் டாப் நாயகியாக வலம்வரும் நடிகை ராஷ்மிகா மந்தனா.
கன்னடத்தில் Kirik Party படத்தில் தனது சினிமா பயணத்தை தொடங்கியவர் அப்படியே தெலுங்கு பக்கம் சென்றார். அவர் விஜய் தேவரகொண்டாவுடன் இணைந்து நடித்த Geetha Govindam செம ஹிட் ஆக அந்த மொழி ரசிகர்களையும் கவர்ந்தார்.
பின் கன்னடம், தெலுங்கு என 11 படங்களில் நடித்தவர் 2021ம் ஆண்டு சுல்தான் படம் மூலம் தமிழ் பக்கம் வந்தார். பின் விஜய்யுடன் வாரிசு படத்தில் நடித்தவர் இப்போது குபேரா படத்தில் நடித்துள்ளார்.
ஹிந்தியில் அனிமல் படம் மூலம் ரூ. 1000 கோடி வசூலை கண்டவர் நடிப்பில் கடைசியாக Chhaava படத்தில் நடித்து அதிலும் வெற்றிக் கண்டுள்ளார்.
எம்எல்ஏ காட்டம்
கர்நாடகாவின் மண்டியாவைச் சேர்ந்த காங்கிரஸ் எம்எல்ஏ ரசி கனிகா நடிகை ராஷ்மிகாவை கடுமையாக விமர்சித்துள்ளார்.
சமீபத்திய பேட்டியில், பெங்களூரில் நடைபெறும் சர்வதேச திரைப்பட விழாவில் பங்கேற்க அவர் சம்மதிக்கவில்லை என குற்றம் சாட்டப்பட்டது. அவருக்கு ஒரு சரியான பாடம் கற்பிக்க விரும்புவதாக அவர் கூறினார்.
தனக்கு ஒரு தொழிலைக் கொடுத்த துறையை மதிக்க அவர் கற்றுக்கொள்ள வேண்டும். கர்நாடக துறை மூலம் தனது பயணத்தை தொடங்கியவர் இங்கே நடக்கும் விழாவிற்கு வர மறுத்தது கண்டனத்திற்கு உரியது.
அவர் கன்னடத் திரையுலகத்தையும், கன்னட மொழியையும் அவமரியாதை செய்கிறார். நாம் அவருக்கு சரியான பாடம் கற்பிக்க வேண்டாமா? என காட்டமாக பேசியுள்ளார்.
