அமெரிக்க ஜனாதிபதி டொனால்ட் ட்ரம்ப் (Donald Trump) சீனாவிலிருந்து இறக்குமதி செய்யப்படும் பொருட்களுக்கான வரிகளை மொத்தம் 145 சதவீதமாக உயர்த்தியுள்ளதாக சர்வதேச ஊடகங்கள் செய்தி வெளியிட்டுள்ளது.
உலகெங்கிலும் உள்ள 60 நாடுகள் மீது ட்ரம்ப் நிர்வாகத்தின் 10% முதல் 50% வரையிலான வரிகள் நேற்று முன்தினம் நடைமுறைக்கு வந்தன. இதில் சீனப் பொருட்களுக்கு 104% வரி விதிக்கப்பட்டது.
இருப்பினும், அமெரிக்கப் பொருட்களுக்கு விதிக்கப்பட்ட 34% வரி விகிதத்தை நேற்று முதல் 84% ஆக அதிகரிக்க சீனா முடிவு செய்துள்ளது.
அதிகாரப்பூர்வ அறிவிப்பு
இந்நிலையில், வரி உயர்வுக்கு பதிலளிக்கும் விதமாக, சீன இறக்குமதிகள் மீதான 104% வரியை 125% ஆக அதிகரிக்க ஜனாதிபதி டிரம்ப் உத்தரவிட்டுள்ளார்.
அதன்படி, முந்தைய 20% வரி உட்பட அனைத்து வரிகளின் மொத்தம் 145% என்று வெள்ளை மாளிகை அதிகாரப்பூர்வமாக அறிவித்துள்ளது.
மேலும், ட்ரம்ப் சுமார் 60 நாடுகள் மீதான தனது “தீர்வை வரிகளை” 90 நாள் இடைநிறுத்துவதாக அறிவித்திருந்தமை குறிப்பிடத்தக்கது.