எதிர்கட்சி தலைவர் சஜித் பிரேமதாச தனது கட்சி உறுப்பினர்களிடம் கடைப்பிடிக்கும் அதே நடைமுறையை நாடாளுமன்ற உறுப்பினர் நாமல் ராஜபக்ஷவும் பின்பற்றுவதாக தகவல் வெளியாகியுள்ளது.
சமீபத்தில் நாமல் ராஜபக்ஷ வெளியிட்ட அறிக்கை மூலம் இந்த விடயம் தெரியவந்துள்ளது.
தனது ஆதரவாளர்களை நிலையாக வைத்து கொள்வதற்காக நாடாளுமன்ற உறுப்பினர் கடிதங்களை தொடர்ந்து வழங்க வேண்டும் என அவர் குறிப்பிட்டுள்ளார்.
அரசியல் செயற்பாடு
நாமல் ராஜபக்ஷவுக்கு முன்பு, 2016 முதல் 2019ஆம் ஆண்டு வரை வீட்டுவசதி மற்றும் நகர்ப்புற மேம்பாட்டு அமைச்சராக இருந்த காலத்தில் சஜித் பிரேமதாச இதனை பகிரங்கமாக கூறினார்.
உயரமானவர்களுக்கு பாதுகாப்பு அளவுகோல்களுக்கும், குட்டையானவர்களுக்கு தொழிலாளர் அளவுகோல்களுக்கும் உட்பட்டு வேலைவாய்ப்பு கடிதங்கள் வழங்கப்படும் என்றும் சஜித் கூறியிருந்தார்.
அரசின் நடவடிக்கை
எனினும், நாமல் ராஜபக்ஷவும் அவரது குழுவும் இதை பகிரங்கமாக அறிவிக்கவில்லை, ஆனால் பல்கலைக்கழக சேர்க்கை வரை உறுப்பினர் கடிதங்களை வழங்கி, தங்களது நெருக்கமான ஆதரவாளர்களை ஒரு வகையான அரசியல் அடிமைத்தனத்திலேயே வைத்துள்ளனர் என குற்றம் சுமத்தப்பட்டுள்ளது.
அரசியல்வாதிகளின் சட்டவிரோத தலையீட்டால் உருவாக்கப்பட்ட அநீதியை அகற்றும் முயற்சியில், தற்போதைய அரசாங்கம் இந்த நடைமுறையை முடிவுக்கு கொண்டு வந்துள்ளது.
மேலும் நாமல் ராஜபக்ஷ அந்த நேர்மறையான நடவடிக்கைக்கு எதிராக வெளிப்படையாக அறிக்கைகளை வெளியிடும் அளவுக்கு மாறியுள்ளார் என குற்றம் சுமத்தப்பட்டுள்ளது.