மதராஸி
ஏ.ஆர். முருகதாஸ் இயக்கத்தில் சிவாகார்த்திகேயன் நடிப்பில் உருவாகி கடந்த வாரம் திரைக்கு வந்த படம் மதராஸி. இப்படத்தை ஸ்ரீ லட்சுமி மூவிஸ் தயாரித்து இருந்தனர். இப்படத்தில் சிவாகார்த்திகேயனுடன் இணைந்து முதல் முறையாக நடிகை ருக்மிணி வசந்த் நடித்திருந்தார்.
மேலும் துப்பாக்கி படத்தின் மூலம் தமிழ் ரசிகர்களின் மனதில் இடத்தை பிடித்த நடிகர் வித்யூத் ஜாம்வால் இப்படத்தில் வில்லனாக மிரட்டி இருந்தார். மேலும் ஷபீர், விக்ராந்த், பிஜு மேனன் என பல நட்சத்திரங்கள் இணைந்து நடித்திருந்தனர்.
அன்பு -ஆனந்திக்கு நிச்சயதார்த்தம்.. எதிர்பார்க்காத ட்விஸ்ட்! சிங்கப்பெண்ணே அடுத்த வார ப்ரோமோ
மூன்று நாள் வசூல்
ரசிகர்களால் பெரிதும் எதிர்பார்க்கப்பட்டு வெளிவந்த இப்படம் கலவையான விமர்சனங்களை பெற்றது. கலவையான விமர்சனங்கள் ஒரு பக்கம் இருந்தாலும் கூட, மதராஸி திரைப்படம் வசூலில் நல்ல வரவேற்பை பெற்று வருகிறது.
மூன்று நாட்களை வெற்றிகரமாக பாக்ஸ் ஆபிஸில் கடந்திருக்கும் மதராஸி திரைப்படம் மூன்று நாட்களில் உலகளவில் ரூ. 65 கோடிக்கும் மேல் வசூல் செய்துள்ளது.
இந்த வசூல் முதல் மூன்று நாட்களில் இப்படத்திற்கு கிடைத்துள்ள நல்ல ஓப்பனிங்காக பார்க்கப்படுகிறது. இனி வரும் நாட்களில் வசூல் எப்படி இருக்கும் என்பதை பொறுத்திருந்து பார்ப்போம்