வட மாகாணத்துக்கான பயணத்தை தொடர்ந்து, மக்கள் விடுதலை முன்னணி தலைமையிலான தேசிய மக்கள் சக்தியின் தலைவர் அனுரகுமார திஸாநாயக்க (Anura kumara Dissanayake) நாளைய தினம் லண்டனுக்கு (London) பயணம் செய்யவுள்ளதாக தெரிவிக்கப்பட்டுள்ளது.
எதிர்வரும் 15 ஆம் திகதி லண்டனில் நடைபெறவுள்ள கூட்டமொன்றில் உரையாற்றுவதற்காக அவர் இந்த பயணத்தை மேற்கொள்ளவுள்ளதாக கூறப்பட்டுள்ளது.
இலங்கையில் (Sri Lanka) நடைபெறவுள்ள தேர்தல்களை முதன்மையாக கொண்டு அரசியல் கட்சிகளின் தலைவர்கள் உள்நாட்டு மற்றும் வெளிநாட்டு பயணங்களை தீவிரப்படுத்தி வருகின்றனர்.
வட மாகணத்துக்கு பயணம்
இதற்கமைய, நேற்றைய தினம் வட மாகணத்துக்கு பயணம் செய்திருந்த அனுரகுமார திஸாநாயக்க, இலங்கை தமிழரசு கட்சியின் உறுப்பினர்களை சந்தித்து பேச்சுக்களை முன்னெடுத்திருந்தார்.
இந்த பின்னணியில், நாளைய தினம் அவர் லண்டனுக்கு பயணம் செய்யவுள்ளதாக தெரிவிக்கப்பட்டுள்ளது.
புலம்பெயர் இலங்கையர்களால் ஏற்பாடு செய்யப்பட்டுள்ள நிகழ்வொன்றில் பங்கேற்பதற்காக இந்த பயணம் மேற்கொள்ளப்படவுள்ளதாக கூறப்பட்டுள்ளது.
அத்துடன், பிரித்தானியாவின் (United Kingdom) சில முக்கிய அரசியல் பிரமுகர்களையும் இந்த பயணத்தின் போது அனுரகுமார திஸாநாயக்க சந்தித்து பேச்சுக்களை முன்னெடுப்பார் என எதிர்பார்க்கப்படுகின்றமை குறிப்பிடத்தக்கது.