2025 ஜனவரி முதல் மே வரையிலான 5 மாத காலத்தில் அரசாங்க வருவாயில் பாரிய அதிகரிப்பு பதிவாகியுள்ளது.
அதன்படி, குறித்த காலப்பகுதியில், ரூ.1,942.36 பில்லியன் அரசாங்க வருவாய் பதிவாகியுள்ளதாக இலங்கை மத்திய வங்கி தெரிவித்துள்ளது.
2024 ஆம் ஆண்டின் முதல் 5 மாதங்களில் ரூ.1,619.23 பில்லியனாக இருந்த அரசாங்க வருவாயுடன் ஒப்பிடும்போது இது 19.95% அதிகரிப்பாகும்.
வரி வருவாய்
அரசாங்க வரி வருவாய் ரூ.1,491.25 பில்லியனில் இருந்து ரூ.1,802.48 பில்லியனாக 20.87% அதிகரித்ததே இதற்கு முக்கிய காரணம் என தெரிவிக்கப்படுகிறது.
இலங்கை மத்திய வங்கி வெளியிட்டுள்ள வாராந்திர பொருளாதார அறிக்கையில் இது கூறப்பட்டுள்ளது.