தெற்கு லெபனானில் வான்வழித் தாக்குதலில் ஹிஸ்புல்லாவின் உயரடுக்கு ரத்வான் படையின் ஒரு மூத்த தளபதியை கொன்றதாக இஸ்ரேல் படைத்தரப்பு தெரிவித்துள்ளது.
முஹம்மது ஷஹோரி, என்ற தளபதியே கொல்லப்பட்டவராவார். இவர் ரத்வானின் மேற்கு மாவட்ட ரொக்கெட் பிரிவின் தளபதியாக இருந்தார்.
வாகனத்தில் சென்றபோது இலக்கு
ஷஹோரி செஹாபியேவை ஒட்டியுள்ள கஃபர் டூனைன் கிராமத்தில் வாகனத்தில் சென்றபோது இலக்கு வைக்கப்பட்டார்.
தெற்கு லெபனானின் மேற்கு மற்றும் மத்திய பகுதிகளிலிருந்து இஸ்ரேலிய முகப்புப் பகுதியை நோக்கிய பல ரொக்கெட் தாக்குதல்களை திட்டமிட்டு செயற்படுத்துவதற்கு ஷஹோரி பொறுப்பு என்று இஸ்ரேல் படைத்தரப்பு தெரிவித்தது.
ஹிஸ்புல்லாவிற்கு பேரிழப்பு : சிரேஷ்ட தளபதியை கொன்றது இஸ்ரேல்
மற்றொரு ஹிஸ்புல்லா தளபதி
ஷஹோரியுடன், மற்றொரு ஹிஸ்புல்லா தளபதி மஹ்மூத் ஃபட்லால்லாவும் தாக்குதலில் கொல்லப்பட்டார். அவர் ஹிஸ்புல்லாவின் ரொக்கெட் பிரிவில் உறுப்பினராகவும் இருந்ததாக இஸ்ரேல் படைத்தரப்பு கூறுகிறது.
எவருமே பயன்படுத்தாத ஆயுதத்தால் தாக்குவோம் : இஸ்ரேலை மிரட்டுகிறது ஈரான்
ஹிஸ்புல்லா அமைப்பு அவர்கள் இருவரின் மரணத்தையும் இன்று முன்னதாக அறிவித்தது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |