அத்துருகிரிய பகுதியில் நேற்று (08) இலங்கையை உலுக்கிய கொலைச்சம்பவம் தொடர்பில் காவல்துறையின் விசாரணையில் அதிர்ச்சி தகவல் வெளியாகி உள்ளது.
இதன்படி இந்த கொலைச்சம்பவத்திற்கு 10 இலட்சம் ரூபா பேசப்பட்டுள்ளமை நடத்தப்பட்ட விசாரணையில் தெரியவந்துள்ளது.
பச்சை குத்துதல் கடை உரிமையாளரே இந்த கொலைக்கான ஏற்பாட்டை செய்துள்ளமை தெரியவந்துள்ளது.
இது தொடர்பில் மேலும் தெரியவருவதாவது,
ரூபா 10 இலட்சம் பேரம்
“டுபாயில் இருந்து வந்த ஒப்பந்தத்திற்காக கிளப் வசந்தவை கொல்ல உதவி செய்தேன். அந்த திட்டப்படி தான் வசந்தவை பச்சை குத்தும் கடை திறப்பு விழாவிற்கு அழைத்து வந்து கொல்ல திட்டம் போட்டேன்.அதற்காக டுபாயில் இருந்து 10 லட்சம் ரூபாய் பெற்றேன்.
இவ்வாறு சந்தேகத்தின் பேரில் கைது செய்யப்பட்ட அத்துருகிரிய பச்சை குத்தும் நிலையத்தின் உரிமையாளர் காவல்துறையின் விசாரணையின் போது வாக்குமூலம் அளித்துள்ளதாக தெரிவிக்கப்படுகின்றது.
பிரபல தொழிலதிபர் உட்பட இருவர் படுகொலை
இந்த தாக்குதலில் பிரபல தொழிலதிபர் ‘சுரேந்திர வசந்த பெரேரா’ அல்லது ‘கிளப் வசந்த’ உட்பட இருவர் கொலை செய்யப்பட்டதுடன் பாடகி உட்பட நால்வர் படுகாயமடைந்தமை குறிப்பிடத்தக்கது.
