நாடு முழுவதும் உள்ள எரிபொருள் நிலையங்களில் எரிபொருள் வரும் திங்கட்கிழமைக்குள் தீர்ந்து போகக்கூடும் என்று இலங்கை எரிபொருள் விநியோகஸ்தர்கள் சங்கம் தெரிவித்துள்ளது.
ஊடக சந்திப்பில் சங்கத்தின் துணைத் தலைவர் குசும் சந்தனநாயக்க உரையாற்றினார்.
விரைவான நடவடிக்கை
இன்று முதல் புதிய விநியோக கோரல்கள் எதுவும் பெற்றோலிய கூட்டுத்தாபனத்திற்கு வழங்கப்படாததால், திங்கட்கிழமைக்குள் எரிபொருள் பற்றாக்குறை ஏற்படும் என்று எதிர்பார்க்கப்படுகின்றது.
கடந்த காலங்களில் சங்கம் ஒருபோதும் வேலைநிறுத்த நடவடிக்கையில் ஈடுபடவில்லை என்றாலும், விநியோகஸ்தர்களுக்கு வழங்கப்பட்ட 3% கொடுப்பனவை நீக்கிவிட்டு, அதை புதிய சூத்திரத்தால் மாற்றுவதற்கான இலங்கை பெட்ரோலியக் கூட்டுத்தாபனத்தின் (CPC) தற்போதைய முடிவால் தங்களுக்கு வேறு வழியில்லை.
பிரச்சினையைத் தீர்க்க விரைவான நடவடிக்கை எடுக்குமாறு ஜனாதிபதியிடம் கேட்டுக்கொள்கின்றேன்.
எரிபொருள் நிலையம்
இந்தப் பிரச்சினையைத் தீர்க்க அதிகாரிகள் விரைவான நடவடிக்கை எடுக்க வேண்டும்.
தன்னிச்சையான முடிவுகளை எடுத்ததற்காக CPC தலைவர் மற்றும் நிர்வாக இயக்குநரைக் குற்றம் சாட்டினார்.
எரிபொருள் விநியோகஸ்தர்களுக்கான 3% கமிஷனை ரத்து செய்து புதிய விலை நிர்ணய சூத்திரத்தை நடைமுறைப்படுத்த CPC சமீபத்தில் முடிவு செய்தது.
இதற்கு பதிலளிக்கும் விதமாக, எரிபொருள் விநியோகஸ்தர் சங்கம் நேற்று(28) இன்று (1) முதல் எரிபொருள் ஆர்டர் செய்வதை நிறுத்துவதாக அறிவித்தது, இதனால் நாடு முழுவதும் எரிபொருள் வாங்குவதில் பதற்றமும், எரிபொருள் நிலையங்களில் நீண்ட வரிசைகளும் காணப்பட்டன.