மட்டக்களப்பு (Batticaloa) – குருக்கள்மடம்
கடற்கரையிலிருந்து பெண் ஒருவரின் சடலம் மீட்கப்பட்டுள்ளதாக களுவாஞ்சிகுடி காவல்துறையினர் தெரிவித்துள்ளனர்.
குறித்த பெண்ணின் சடலமானது இன்று (8) மீட்கப்பட்டுள்ளதாக தெரிவிக்கப்படுகின்றது.
இந்த சம்பவம் தொடர்பில் மேலும் தெரியவருவதாவது, குருக்கள்மடம் கடற்கரையில் பெண் ஒருவரின் சடலம் கரை ஒதுங்கியுள்ளதாக காவல்துறையினருக்கு தகவல் வழங்கப்பட்டுள்ளது.
காவல்துறையினர் விசாரணை
இதனையடுத்து சம்பவ இடத்திற்கு விரைந்த காவல்துறையினர் சடலத்தை
பார்வையிட்டு மீட்டுள்ளனர்.
இதன்போது, சடலமாக மீட்கப்பட்டவர் சுமார் 40 வயது மதிக்கத்தக்க பெண் எனவும், குறித்த நபர்
இதுவரையில் அடையாளம் காணப்படவில்லை எனவும் தெரிவிக்கப்படுகின்றது.
இந்த நிலையில், நீதிமன்ற உத்தரவைப் பெற்று சடலம் வைத்தியசாலைக்கு கொண்டு செல்லப்படவுள்ளதோடு, சடலத்தை அடையாளம் காண பொதுமக்களின்
உதவியை நாடுவதாகவும் காவல்துறையினர் தெரிவித்துள்ளனர்.
