மின்சார சபையின் மறுசீரமைப்பு மூலம் உருவாக்கப்படும் புதிய நிறுவனங்களுக்கு ஏற்ப மாற விரும்பாத மற்றும் தானாக முன்வந்து ஓய்வு பெற விரும்பும் ஊழியர்களுக்கு அதிகபட்சமாக ரூ.5 மில்லியன் வரை இழப்பீடு வழங்க நிர்வாக ஆணையம் முடிவு செய்துள்ளதாக கூறப்படுகிறது.
மின்சார சபையின் மூத்த பொறியாளர் ஒருவரை மேற்கோள்காட்டி தென்னிலங்கை ஊடகம் ஒன்று இவ்வாறு செய்தி வெளியிட்டுள்ளது.
மேலும், நிறுவப்பட்ட புதிய நிறுவனங்களுக்கு ஊழியர்கள் நியமிக்கப்பட்டுள்ளதாக கடிதங்கள் மூலம் தெரிவிக்கப்பட்டுள்ளதாகவும் கூறப்படுகிறது.
இரண்டு மாத கால அவகாசம்
இருப்பினும், புதிய நிறுவனங்களில் சேர விரும்பும் அல்லது விரும்பாத ஊழியர்கள் அதைப் பற்றி அவர்களுக்குத் தெரிவிக்க இரண்டு மாத கால அவகாசம் வழங்கப்பட்டுள்ளதாகவும் கூறப்படுகிறது.
அத்தோடு மறுசீரமைப்பின் மூலம் உருவாக்கப்பட்ட ஐந்து நிறுவனங்கள் இப்போது பதிவு செய்யப்பட்டுள்ளதாக மூத்த பொறியாளர் மேலும் தெரிவித்துள்ளதாகவும் கூறப்படுகிறது.